Benetton yn drech na’r Dreigiau

Diweddarwyd  

Dreigiau 25–37 Benetton

Roedd buddugoliaeth bwynt bonws i Benetton wrth iddynt ymweld â Rodney Parade i herio’r Dreigiau yn y Guinness Pro14 nos Wener.

Croesodd yr Eidalwyr am bedwar cais ar noson fwdlyd yng Nghasnewydd.

Hanner Cyntaf

Dechreuodd yr Eidalwyr ar dân gyda dau gais yn y chwarter awr agoriadol. Roedd y cyntaf yn un da wrth iddynt ymosod o’u hanner eu hunain, Luca Sperandio yn croesi wedi gwaith da Angelo Esposito ar yr asgell dde.

Sgarmes symudol a arweiniodd at yr ail i’r bachwr, Thomas Baravalle, ac roedd yr ymwelwyr 14 pwynt ar y blaen wedi ail drosiad llwyddiannus Ian Keatley.

Cafwyd ymateb da gan y Dreigiau gyda dwy gic gosb o droed Jacob Botica a dim ond pedwar pwynt a oedd ynddi ar hanner amser diolch i drosgais gan y tîm cartref ym munud olaf yr hanner. Rhodri Williams a groesodd o dan y pyst ond roedd y diolch i gyd i fylchiad anhygoel gan y prop, Josh Reynolds!

Ail Hanner

Dechreuodd yr ail hanner, fel y cyntaf, gyda chais i Benetton, Esposito’n bylchu o’r llinell hanner ar yr ochr dywyll, yn torri dwy dacl cyn llusgo tri amddiffynnwr gydag ef dros y gwyngalch i sgorio.

Ar ôl sgorio trydydd yr ymwelwyr, yr asgellwr a oedd ar fai am y cais a roddodd y Dreigiau yn ôl yn y gêm ddeuddeg munud o’r diwedd, yn taflu’r meddiant i ffwrdd i roi cais ar blât i Will Talbot-Davies.

Os roddodd hynny lygedyn o obaith i’r tîm cartref, fe ddiflannodd hwnnw pan groesodd Epalahame Faiva i sicrhau’r pwynt bonws i’r Eidalwyr.

Golygodd hynny mai rhy ychydig rhy hwyr a oedd cais Elliot Dee ym munud olaf y gêm, 25-37 y sgôr terfynol.

Mae’r canlyniad yn gadael y Dreigiau yn bumed yn nhabl adran A y Pro14.

.

Dreigiau

Ceisiau: Rhodri Williams 39’, Will Talbot-Davies 69’, Elliot Dee 80’

Trosiadau: Jacon Botica 39’, Arwel Robson 69’

Ciciau Cosb: Jacob Botica 19’, 23’

Cerdyn Melyn: Harrison Keddie 49’

.

Benetton

Ceisiau: Luca Sperandio 5’, Thomas Baravalle 14’, Angelo Esposito 41’, Epalahame Faiva 75’

Trosiadau: Ian Keatley 6’, 14’, 42’, 75’

Ciciau Cosb: Ian Keatley 35’, 58’, 68’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn