Caeredin yn curo’r Gleision

Diweddarwyd  

Caeredin 14–6 Gleision

Colli fu hanes y Gleision wrth iddynt deithio i Murrayfield i herio Caeredin yn y Guinness Pro14 nos Wener.

George Taylor a sgoriodd unig gais y gêm wrth i’r Albanwyr aros ar frig adran B.

Er i’r Gleision fynd ar y blaen wedi deg munud gyda chic gosb Jason Tovey, fe aeth pethau o chwith i’r ymwelwyr yn syth o’r ail ddechrau. Cafodd cic Dan Fish ei tharo i lawr gan Taylor ac adlamodd y bêl yn garedig i ganolwr Caeredin i sgorio’r cais.

Er i Simon Hickey fethu’r trosiad, fe lwyddodd gyda chic gosb i ymestyn y fantais i bum pwynt yn hwyrach yn yr hanner.

Ond dau bwynt yn unig a oedd yn gwahanu’r ddau dîm wrth droi diolch i gic olaf yr hanner, ail gic gosb Tovey.

Ar noson wlyb ac oer ym mhrifddinas yr Alban, dwy gic gosb yn unig a ychwanegwyd at y sgôr yn yr ail hanner.

Ymestynnodd Hickey fantais Caeredin i bum pwynt gyda’r cyntaf cyn amddifadu’r Gleision o hyd yn oed bwynt bonws gyda’r ail ym munud olaf y gêm.

Mae’r canlyniad yn cadw Caeredin ar frig adran B y Pro14 ac yn gadael y Gleision yn bumed.

.

Caeredin

Cais: George Taylor 12

Ciciau Cosb: Simon Hickey 32’, 73’, 79’

.

Gleision

Ciciau Cosb: Jason Tovey 11’, 40’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn