Wayne Pivac yn egluro’r newidiadau yn y canol

 
Wayne Pivac

Wayne Pivac yn ystod Pencampwriaeth y Chwe Gwlad

Llun: golwg360 / Alun Rhys Chivers

Mae Wayne Pivac yn dweud bod Nick Tompkins yn haeddu ei le yng nghanol cae i dîm rygbi Cymru, wrth iddyn nhw deithio i Ddulyn i herio Iwerddon ddydd Sadwrn (Chwefror 8).

Sgoriodd canolwr y Saraseniaid gais ar ôl dod i’r cae yn eilydd yn ystod y fuddugoliaeth o 42-0 yn erbyn yr Eidal yr wythnos ddiwethaf.

Ac wrth gadw ei le, mae’n gwthio George North i’r asgell, a Johnny McNicholl i’r fainc.

“Roedd yn ymwneud â gallu a’r gêm gafodd Nick Tompkins,” meddai’r prif hyfforddwr wrth y wasg.

“Ro’n i’n meddwl ei fod e wedi chwarae’n dda iawn ac yn haeddu dechrau, a dyna gaiff e.

“Roedden ni hefyd yn hapus â gêm George North.”

Cymeriad Nick Tompkins

Yn ôl Wayne Pivac, mae gan Nick Tompkins y rhinweddau i lwyddo ar y lefel uchaf.

“Ry’n ni’n gweld hynny bob dydd wrth ymarfer, a’r ffordd mae’n cynnal ei hun oddi ar y cae.

“Mae e’n broffesiynol dros ben.

“Mae e’n cario’i hun yn arbennig o dda, ac mae e wedi creu argraff.

“Gobeithio y bydd e’n gwneud cystal wrth ddechrau’r gêm.”

Cysondeb

Er bod cryn sôn y gallai Wayne Pivac wneud nifer o newidiadau i’r tîm, mae’n dweud ei fod e’n awyddus i sicrhau cysondeb ar ail benwythnos y gystadleuaeth.

“Roedden ni hefyd yn hapus gyda gêm George.

“Ond roedden ni eisiau cadw pethau’n eitha’ cyson.

“Ar y cyfan, fe gawson ni’r hyn roedden ni ei eisiau allan o’r gêm.

“Roedd rhannau o’r gêm roedden ni eisiau edrych arnyn nhw, ac ry’n ni wedi gwneud hynny yr wythnos hon.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn