Cyhoeddi carfan merched Rygbi Cymru

Diweddarwyd am  
Siwan Lillicrap, carfan merched rygbi Cymru

Siwan Lillicrap, carfan merched rygbi Cymru

Llun: Gwefan Undeb Rygbi Cymru

Mae tîm merched Cymru wedi enwi carfan o 34 o chwaraewyr ar gyfer Pencampwriaeth y Chwe Gwlad.

Ymhlith y garfan mae un chwaraewr di gap, prop y Scarlets Ruth Jones ac un ar ddeg o chwaraewyr a enillodd eu capiau cyntaf yng nghyfres yr Hydref.

Yn absenoldeb y prif hyfforddwr Rowland Phillips, sydd yn cymryd amser o’r gêm, bydd Chris Horsman, Geraint Lewis a Gareth Wyatt a oedd yn gyfrifol am y tîm yng ngemau’r Hydref, yn parhau fel hyfforddwyr ar gyfer pencampwriaeth y Chwe Gwlad eleni.

Cynnydd

Dywedodd Chris Horsman, “Rydym yn falch o’r cynnydd a wnaed yn ystod ymgyrch yr hydref, o’r fuddugoliaeth funud olaf yn erbyn Iwerddon, a pherfformiadau trawiadol wrth guro’r Alban a thîm y  Crawshays i berfformiad cryf yn yr ail hanner yn erbyn y Barbariaid.”

“Ein bwriad yn ystod ymgyrch yr Hydref oedd datblygu ein carfan, a chyflawnwyd hyn gyda 14 o chwaraewyr yn ennill eu capiau cyntaf.”

Yn dilyn gemau’r Hydref, Siwan Lillicrap sydd yn parhau i arwain y tîm cenedlaethol.  Yn ôl Chris Hosman,  fe ddangosodd “Siwan arweinyddiaeth ragorol yn ystod ymgyrch yr hydref a byddwn yn parhau i ddatblygu arweinwyr ymhlith y garfan yn ystod y twrnamaint.”

Nod hir dymor Chris Horsman yw parhau i ddatblygu’r garfan ar gyfer Cwpan Rygbi’r Byd 2021 sydd yn cael ei gynnal yn Seland Newydd.

“Rydyn ni 18 mis i ffwrdd o Gwpan Rygbi’r Byd 2021 ac yn dilyn y cynnydd a wnaed yn yr Hydref, ein nod ar gyfer y twrnamaint hwn yw parhau i gau’r bwlch rhyngom ni a thimau gorau’r byd”.

Blaenwyr:

Alisha Butchers, Alex Callender, Gwen Crabb, Georgia Evans,  Abbie Fleming, Cerys Hale, Lleucu George, Cara Hope, Natalia John, Manon Johnes, Kelsey Jones, Molly Kelly, Sarah Lawrence, Bethan Lewis, Ruth Lewis, Siwan Lillicrap, Robyn Lock, Gwenllian Pyrs

Cefnwyr:

Keira Bevan, Hannah Bluck, Hannah Jones, Jasmine Joyce, Courtney Keight, Kerin Lake, Caitlin Lewis, Ffion Lewis, Lisa Neumann, Kayleigh Powell, Paige Randall, Lauren Smyth, Elinor Snowsill, Niamh Terry, Megan Webb, Robyn Wilkins

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn