Toulon yn torri calonnau’r Scarlets

Diweddarwyd  

Toulon 17–16 Scarlets

Sgoriodd Toulon gais hwyr iawn i drechu’r Scarlets yn eu gêm Cwpan Her Ewrop yn y Stade Mayol nos Wener.

Roedd yr ymwelwyr o Gymru, a oedd wedi chwarae hanner y gêm gyda phedwar dyn ar ddeg, ar y blaen wrth i’r cloc gyrraedd wyth deg munud, ond Toulon a aeth â hi diolch i ddrama hwyr gyda’r cloc yn goch.

Aeth y tîm cartref ar y blaen gyda chais Louis Cordin yn y deg munud cyntaf, yr asgellwr yn sgorio wedi cic letraws gywir.

Roedd yr ymwelwyr o Gymru’n gyfartal wedi chwarter awr serch hynny gyda chais rhyng-gipiad Johnny McNicholl.

Felly yr arhosodd hi tan ddeg munud cyn yr egwyl pan y rhoddodd cic gosb Anthony Belleau y Ffrancwyr yn ôl ar y blaen.

Gorffennodd yr hanner cyntaf ar nodyn gwael i Fois y Sosban wrth i Tevita Ratuva dderbyn cerdyn coch, y clo o Fiji yn cael ei anfon o’r cae am hyrddiad peryglus yn ardal y dacl.

Er gwaethaf eu hanfantais, roedd y Scarlets yn gyfartal yn gynnar yn yr ail gyfnod diolch i gic gosb o droed y Sais profiadol yn safle’r maswr, Ryan Lamb.

Hwnnw a oedd cyfraniad olaf Lamb cyn i Dan Jones ddod i’r cae yn ei le ac fe roddodd yr eilydd y Scarlets ar y blaen am y tro cyntaf yn y gêm gyda chic gosb chwarter awr o’r diwedd.

Ychwanegodd Jones gôl adlam yn fuan wedi hynny ac roedd y pedwar dyn ar ddeg chwe phwynt ar y blaen gyda dim ond deg munud yn weddill.

Bu’n rhaid i’r Scarlets amddiffyn am eu bywydau yn y munudau olaf ac wedi i’r cloc droi’n goch hefyd. Ond roedd y pwysau’n ormod yn y diwedd ac fe ddaeth y cais annochel o sgarmes symudol, Liam Messam yn sgorio.

Trosiad i’w hennill hi i’r Ffrancwyr felly ac fe grafwyd hwnnw i mewn gyda chymorth y postyn gan Belleau, 17-16 y sgôr terfynol.

.

Toulon

Ceisiau: Louis Cordin 9’, Liam Messam 80’

Trosiadau: Anthony Belleau 10’, 80’

Cic Gosb: Anthony Belleau 31’

.

Scarlets

Cais: Johnny McNicholl 14’

Trosiad: Ryan Lamb 15’

Ciciau Cosb: Ryan Lamb 47’, Dan Jones 67’

Gôl Adlam: Dan Jones 69’

Cerdyn Coch: Tevita Ratuva 40’

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd