Caeredin yn curo’r Gleision

Diweddarwyd  

Gleision 11–19 Caeredin

Colli a fu hanes y Gleision wrth iddynt groesawu Caeredin i Barc yr Arfau yn y Guinness Pro14 nos Sadwrn.

Roedd yr Albanwyr bwynt ar y blaen mewn gêm agos cyn i gais hwyr Mark Bennett selio fuddugoliaeth iddynt.

Rhoddodd dwy gic gosb gynnar Jaco van der Walt chwe phwynt ar y blaen cyn i’r Gleision ymateb gyda chais.

Cais da ydoedd hefyd, meddiant glân o’r lein a symudiad taclus o’r cae ymarfer yn arwain at sgôr i Owen Lane ar yr asgell.

Methodd Jarrod Evans y trosiad cyn llwyddo gyda chic gosb i roi’r Gleision ar y blaen am y tro cyntaf bum munud cyn yr egwyl.

Roedd yr Albanwyr bwynt ar y blaen ar hanner amser serch hynny diolch i drydedd cic lwyddiannus van der Walt, 8-9 y sgôr wrth droi.

Adferodd Evans fantais y Gleision gyda chic gosb yn gynnar yn yr ail gyfnod cyn i van der Walt ymateb gyda’i bedwaredd ef ddeg munud yn ddiweddarach.

Roedd hi’n dod yn gynyddol amlwg y byddai cais yn ddigon i’w hennill hi ac yn anffodus i’r Gleision, yr ymwelwyr a gafodd hwnnw chwe munud o’r diwedd, Bennett yn croesi wedi bylchiad ei gyd ganolwr, George Taylor.

Rhoddodd trosiad van der Walt ddwy sgôr rhwng y timau am y tro cyntaf yn y gêm ac nid oedd ffordd yn ôl i’r Gleision, 11-19 y sgôr terfynol.

.

Gleision

Cais: Owen Lane 18’

Ciciau Cosb: Jarrod Evans 35’, 45’

Cerdyn Melyn: Seb Davies 27’

.

Caeredin

Cais: Mark Bennett 74’

Trosiad: Jaco van der Walt 75’

Ciciau Cosb: Jaco van der Walt 3’, 10’, 36’, 54’

Cerdyn Melyn: Fraser McKenzie 13’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd