Alun Wyn Jones am efelychu record capiau Cymru

 

Alun Wyn Jones

Llun: Undeb Rygbi Cymru

Fe fydd Alun Wyn Jones yn efelychu record capiau Cymru, wrth iddo arwain ei wlad yn eu gêm gyntaf yng Nghwpan Rygbi’r Byd yn erbyn Georgia ddydd Llun (Medi 23).

Fe fydd yn mynd yn gyfartal â Gethin Jenkins wrth ennill cap rhif 129, wrth i’r prif hyfforddwr Warren Gatland ddweud ei fod e’n “haeddu’r holl anrhydeddau”.

“Mae e wedi bod yn hollol ragorol,” meddai.

“Mae e wedi gwella gydag oedran, mae e fel gwin da.

“Mae e wedi bod yn was ffyddlon i rygbi yng Nghymru.

“Y peth sy’n fy mhlesio i yw nad dim ond yng Nghymru mae e wedi cael ei gydnabod, ond ar draws y byd.

“Mae pobol yn cydnabod ei gyfraniad i rygbi’r byd, yn ei berfformiadau a’i arweiniad.

“Mae’n destun balchder gweld rhywun o Gymru’n cael ei gydnabod yn un o’r chwaraewyr gorau yn ei safle.”

Gweddill y tîm

Bydd Aaron Wainwright yn ymddangos yng Nghwpan y Byd am y tro cyntaf erioed, wrth gymryd ei le yn y rheng ôl, ochr yn ochr â Justin Tipuric a Josh Navidi, gyda Ross Moriarty ar y fainc.

Hefyd yn y tîm mae chwaraewyr y Llewod, Liam Williams, George North, Jonathan Davies a Ken Owens.

Mae’r prop Wyn Jones hefyd yn chwarae yng Nghwpan y Byd am y tro cyntaf, gydag Aaron Shingler hefyd yn ymddangos am y tro cyntaf ar y fainc.

Helynt Rob Howley

Daw’r gêm gyntaf ar ddiwedd wythnos gythryblus i Gymru, ar ôl i Rob Howley gael ei anfon adref yn sgil honiadau ei fod e wedi torri rheolau betio.

Mae Stephen Jones, fydd yn aelod o dîm y prif hyfforddwr newydd Wayne Pivac, yn ymuno â’r tîm hyfforddi’n gynnar.

Tîm Cymru: L Williams, G North, J Davies, H Parkes, J Adams, D Biggar, G Davies; W Jones, K Owens, T Francis, J Ball, A W Jones (capten), A Wainwright, J Tipuric, J Navidi.

Eilyddion: E Dee, N Smith, D Lewis, A Shingler, R Moriarty, T Williams, R Patchell, L Halfpenny.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd