Glasgow yn trechu’r Gleision

Diweddarwyd am  

Glasgow 33–24 Gleision

Colli fu hanes y Gleision wrth iddynt ymweld â Scotstoun i herio Glasgow yng Nghwpan Pencampwyr Ewrop brynhawn Sul.

Sgoriodd y Gleision bedwar cais i sicrhau pwynt bonws ond y tîm cartref a aeth â’r gêm gan sgorio pump.

Pac Glasgow a reolodd yr hanner cyntaf a doedd fawr o syndod eu gweld yn sefydlu mantais iach gyda chais yr un i Grant Stewart a Scott Cummings.

Tarodd y Gleision yn ôl gyda cheisiau Owen Lane a Harri Millard o bobtu’r egwyl ond roedd yr Albanwyr wedi sicrhau pwynt bonws erbyn yr awr wedi i ddau hyrddiad grymus arall gan y blaenwyr arwain at geisiau i Chris Fusaro ac Oli Kebble.

Rhoddodd cais Josh Navidi ac ail i Lane obaith i’r ymwelwyr o Gymru wedi hynny a dim ond pedwar pwynt a oedd ynddi gyda phum munud i fynd.

Ond Glasgow a gafodd y gair olaf wrth i gais George Horne sicrhau eu buddugoliaeth ac amddifadu’r Gleision o ail bwynt bonws yn y broses.

Mae’r canlyniad yn gadael y Gleision yn drydydd yng ngrŵp 3 gydag un gêm yn weddill.

.

Glasgow

Ceisiau: Grant Stewart 26’, Scott Cummings 32’, Chris Fusaro 49’, Oli Kebble 61’, George Horne 77’

Trosiadau: Brandon Thompson 27’, 34’, 50’, 61’

.

Gleision

Ceisiau: Owen Lane 35’, 70’, Harri Millard 57’, Josh Navidi 65’

Trosiadau: Jarrod Evans 66’, 70’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd