Glasgow’n trechu’r Gweilch

Diweddarwyd  

Gweilch 20–29 Glasgow

Sgoriodd Nikola Matawalu dri chais wrth i Glasgow drechu’r Gweilch ar y Liberty yn y Guinness Pro14 nos Wener.

Ni wnaeth y gŵr o Fiji ddechrau’r gêm ond llwyddodd i sgorio hatric o geisiau ar ôl dod i’r cae fel eilydd cynnar.

Rhoddod cais cynnar Olly Cracknell y Gweilch ar y blaen ond tarodd Glasgow yn ôl gyda dau i Matawalu yn y chwarter awr cyntaf, wedi iddo ddod i’r cae yn dilyn anaf i Ruaridh Jackson yn y munudau agoridol.

Llwyddodd Brandon Thompson gyda’r ddau drosiad, i ychwanegu at ei gic gosb gynharach, ac roedd yr ymwelwyr saith pwynt ar y blaen ar yr egwyl, 10-17 y sgôr.

Caeodd Sam Davies y bwlch gyda chic gosb yn gynnar yn yr ail hanner cyn i Matawalu gwblhau ei hatric yn fuan wedyn.

Rhoddodd cais Nick Grigg hanner ffordd trwy’r ail hanner bwynt bonws i Glasgow a golau dydd rhwng y ddau dîm, a chais cysur yn unig a oedd ymdrech hwyr Hanno Dirksen i’r tîm cartref.

Mae’r Gweilch yn aros yn ail yng nghyngres A y Pro14 er gwaethaf y golled ond mae naw pwynt bellach yn eu gwahanu hwy a Glasgow ar y brig.

.

Gweilch

Ceisiau: Olly Cracknell 7’, Hanno Dirksen 75’

Trosiadau: Sam Davies 8’, 75’

Ciciau Cosb: Sam Davies 26’, 47’

.

Glasgow

Ceisiau: Nikola Matawalu 12’, 15’, 49’, Nick Grigg 59’

Trosiadau: Brandon Thompson 13’, 16’, 60’

Cic Gosb: Brandon Thompson 4’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd