Y Gweilch yn trechu’r Gleision

Diweddarwyd am  

Gleision 23–26 Gweilch

Y Gweilch aeth â hi wrth iddynt hwy a’r Gleision wynebu ei gilydd yng ngêm olaf tymor arferol y Guinness Pro14 yn y stadiwm cenedlaethol yng Nghaerdydd nos Sadwrn.

Er i’r Gleision orffwys nifer o chwaraewyr wedi eu buddugoliaeth Ewropeaidd yr wythnos diwethaf, roedd hi’n gêm agos ac roedd angen gôl adlam hwyr Dan Biggar ar y Gweilch i gipio’r fuddugoliaeth yn y diwedd.

Y Gweilch a ddechreuodd orau ac wedi i Biggar a Gareth Anscombe gyfnewid cic gosb gynnar yr un, doedd fawr o syndod gweld y tîm o’r gorllewin yn croesi am y cais cyntaf, Alun Wyn Jones yn tirio wedi bylchiad gwreiddiol Jeff Hassler.

Tyfodd y Gleision i’r gêm yn raddol wedi hynny ac roeddynt yn gyfartal chwarter awr cyn yr egwyl wedi i Anscombe drosi ei gais ei hun ar ôl bylchu trwy’r amddiffyn wedi lein gyflym.

Y Gleision a gafodd y cais nesaf hefyd wrth i’r ddau ganolwr gyfuno ddeuddeg munud cyn yr egwyl, Garyn Smith yn croesi wedi cic Steve Shingler i’w lwybr.

Llwyddodd Anscombe gyda’r trosiad cyn cyfnewid tri phwynt arall gyda Biggar cyn yr hanner, 20-13 y sgôr wrth droi.

Y Gweilch a ddechreuodd yr ail hanner orau a dim ond mater o amser a oedd hi cyn i’r pwysau droi’n bwyntiau gyda trosgais Biggar, y maswr yn ffugio cyn croesi o dan y pyst ac unioni’r sgôr gyda’r trosiad.

Ciciodd Anscombe y Gleision yn ôl ar y blaen ddeuddeg munud o’r diwedd ond chwe munud y unig a barodd y fantais cyn i Biggar unioni pethau drachefn.

Roedd y sgôr nesaf yn siŵr o’i hennill hi a seren y gêm, Biggar, a gafodd y sgôr honno gyda gôl adlam dri munud o ddiwedd yr wyth deg.

Mae’r Gleision yn gorffen y tymor yn bedwerydd yn nhabl cyngres A y Pro14, un lle uwch ben y Gweilch sydd yn gorffen yn bumed.

.

Gleision

Ceisiau: Gareth Anscombe 24’, Garyn Smith 29’

Trosiadau: Gareth Anscombe 25’, 30’

Ciciau Cosb: Gareth Anscombe 14’, 38’, 68’

.

Gweilch

Ceisiau: Alun Wyn Jones 17’, Dan Biggar 55’

Trosiadau: Dan Biggar 19’, 56’

Ciciau Cosb: Dan Biggar 3’, 33’, 74’

Gôl Adlam: Dan Biggar 77’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd