Saith newid i dîm Cymru cyn herio Ffrainc ddydd Sadwrn

Diweddarwyd am  
Logo Undeb Rygbi Cymru

Llun: Undeb Rygbi Cymru

Mae hyfforddwr rygbi Cymru, Warren Gatland, wedi gwneud saith newid i’r tîm cyn gêm derfynol y Chwe Gwlad yn erbyn Ffrainc ddydd Sadwrn.

Bydd y capten, Alun Wyn Jones yn dychwelyd i herio’r Ffrancwyr yng Nghaerdydd, yn dilyn hoe o’r gêm yn erbyn yr Eidal yr wythnos ddiwethaf.

Gydag e, fe fydd y cefnwr Leigh Halfpenny, y canolwr Scott Williams, y maswr Dan Biggar a Josh Navidi yn flaenasgellwr, hefyd yn ôl yn y crys coch.

Mae Dan Biggar yn dychwelyd i’r crys rhif 10, gan ddod yn lle Gareth Anscombe yn dilyn y fuddugoliaeth 38-14 yn erbyn yr Eidal.

Bydd Rob Evans a Ken Owens hefyd yn ymuno â’r tîm.

“Dewisiadau anodd”

“Mae dydd Sadwrn yn gyfle anferth i ni orffen yr ymgyrch yn dda a hynny adre’ o flaen ein cefnogwyr,” meddai Warren Gatland.

“Bydd Ffrainc yn dod i Gaerdydd mewn hwyliau da ar ôl ennill yn erbyn Lloegr y penwythnos diwethaf, felly mae disgwyl [i’r gêm] fod yn anferth.

“Mae dewisiadau anodd wedi cael eu gwneud, ond dyna’r union beth rydym ni eisiau… rydym ni wedi dewis tîm a charfan rydym ni’n credu y gall delifro y penwythnos hwn yn erbyn Ffrainc.”

Ymhlith y rhai ar y fainc mae Samson Lee, a gollodd y gêm yn erbyn yr Eidal am ei fod yn sâl; Gareth Anscombe, Aaron Shingler, Aled Davies a Steff Evans.

Dyw Cymru heb golli i Ffrainc mewn gêm gartref ers 2010 – felly mae gobeithio y gall hawlio’r ail le ym Mhencampwriaeth y Chwe Gwlad y tu ôl i Iwerddon.

Y tîm yn llawn

Leigh Halfpenny – George North – Scott Williams – Hadleigh Parkes – Liam Williams – Dan Biggar – Gareth Davies –
Rob Evans – Ken Owens – Tomas Francis – Cory Hill  – Alun Wyn Jones – Justin Tipuric – Josh Navidi –
Taulupe Faletau

Eilyddion

Elliot Dee  – Nicky Smith – Samson Lee – Bradley Davies  – Aaron Shingler  – Aled Davies  – Gareth Anscombe –
Steff Evans

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd