Yr ymateb i helynt Rhys Webb yn “annheg”, meddai Warren Gatland

 


Rhys Webb (Llun: Cynulliad Cenedlaethol Cymru, Commons Wikimedia)
Mae’r ymateb a fu i’r newyddion na fydd y mewnwr Rhys Webb yn cael chwarae dros Gymru y tymor nesaf yn “annheg”, yn ôl y prif hyfforddwr, Warren Gatland.

O’r tymor nesaf ymlaen, fydd chwaraewyr sy’n dewis chwarae i glybiau y tu allan i Gymru ddim yn cael chwarae dros Gymru oni bai eu bod nhw eisoes wedi ennill dros 60 o gapiau.

Mae hynny’n golygu na fydd Rhys Webb, sydd wedi ennill 28 o gapiau, ddim yn cael bod yn rhan o’r garfan.

Mae Rhys Webb eisoes wedi dweud na fydd y rheol yn arwain at dro pedol yn ei benderfyniad i ymuno â chlwb Toulon yn Ffrainc.

Serch hynny, mae’r mewnwr wedi’i gynnwys yng ngharfan Cymru ar gyfer gemau’r hydref sy’n dechrau ar 11 Tachwedd.

Bwch dihangol?

Mae rhai wedi awgrymu bod Rhys Webb yn “fwch dihangol” yn yr helynt, ond mae Warren Gatland wedi gwrthod ymateb i’r honiad.

“Roedd tipyn o feirniadaeth ohonof fi, ac ro’n i’n teimlo bod hynny’n annheg.

“Mae’r polisi sydd gennym yn well (na’r polisi blaenorol o ddewis ar hap), a dw i’n teimlo dros Rhys oherwydd fydd e ddim ar gael ar gyfer Cwpan y Byd.

“Fe gawson ni sgwrs dda am hynny pan wnaethon ni gyfarfod ddydd Sadwrn diwethaf.”

Ond mae cynrychiolwyr Rhys Webb yn mynnu nad oedden nhw’n gwybod am y polisi pan lofnododd e’r cytundeb gyda Toulon.

Serch hynny, mae Warren Gatland yn mynnu nad oedd e’n rhan o’r trafodaethau a arweiniodd at gyflwyno’r polisi newydd.

“Fe ges i fy ngwthio allan o safbwynt y cyfryngau ar y dydd Llun, ac roedd hi fel pe bai fy mholisi i oedd e.”

Dywedodd yr hoffai gael ymateb y rhanbarthau i’r helynt.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd