Newcastle 32–27 Dreigiau
Bu rhaid i’r Dreigiau fodloni ar bywnt bonws yn unig wrth iddynt deithio i Kingston Park i wynebu Newcastle yn eu gêm agoriadol yng Nghwpan Her Ewrop brynhawn Sadwrn.
Sefydlodd y tîm cartref fantais yn yr hanner cyntaf cyn i’r ymwelwyr o Gymru daro nôl i wneud gêm ohoni wedi’r egwyl.
Dwy gic gosb o droed Angus O’Brien a oedd unig bwyntiau’r Dreigiau yn yr hanner cyntaf wrth i’r tîm cartref droi gyda naw pwynt o fantais diolch i geisiau Rob Vickers ac Adwan Radwan.
Tarodd y Cymry nôl yn gynnar yn yr ail hanner gyda chais yr un i Rynanrd Landman ac Ashton Hewitt yn y deg munud cyntaf.
Ymatebodd Newcastle gyda dau gais eu hunain gan Garry Graham a Mark Wilson ac fe brofodd hynny’n ddigon er gwaethaf sgôr Pat Howard i Wŷr Gwent.
.
Newcastle
Ceisiau: Rob Vickers 14’, Adwan Radwan 38’, Garry Graham 52’, Mark Wilson 62’
Trosiadau: Toby Flood 14’, 52’, 62’
Ciciau Cosb: Toby Flood 25’, 77’
.
Dreigiau
Ceisiau: Rynard Landman 42’, Ashton Hewitt 50’, Pat Howard 58’
Trosiadau: Angus O’Brien 43’, 51’, 58’
Ciciau Cosb: Angus O’Brien 21’, 33’
