Alun Wyn Jones
Alun Wyn Jones fydd capten y Llewod ar gyfer y gêm nesaf ar eu taith yn Seland Newydd.
Y Cymry eraill yn nhîm y Llewod i herio’r Crusaders fore Sadwrn yw George North, Jonathan Davies, Liam Williams a Taulupe Faletau, gyda Rhys Webb a Ken Owens ar y fainc.
Ni fydd y blaenasgellwr Sam Warburton – capten y Llewod ar gyfer y daith – yn chwarae o gwbl gan ei fod wedi anafu ei bigwrn.
Ar ôl colli’r gêm yn erbyn y Blues fore Mercher mae’r hyfforddwr, Warren Gatland, wedi mynnu bod perfformiadau’r Llewod yn gorfod gwella.
Does dim un tîm wedi llwyddo i guro’r Crusaders hyd yma y tymor hwn.
