“Gallai buddugoliaeth dros Gymru sbarduno De Affrica” medd rheolwr

Diweddarwyd am  


Gallai buddugoliaeth dros Gymru yng Nghaerdydd ddydd Sadwrn sbarduno tîm rygbi De Affrica i wyrdroi eu perfformiadau siomedig diweddar, yn ôl eu hyfforddwr Allister Coetzee.

Collodd y Springbok yn erbyn yr Eidal am y tro cyntaf erioed yr wythnos diwethaf, sy’n golygu eu bod nhw bellach wedi colli saith allan o 11 o gemau o dan arweiniad Coetzee.

Maen nhw hefyd wedi colli yn erbyn Iwerddon, yr Ariannin a Seland Newydd yn y cyfnod hwn.

Ond fe ddaw tro ar fyd, meddai Coetzee, er eu bod nhw yng nghanol cyfnod “poenus” ar hyn o bryd.

“Yn y tymor byr, mae rygbi De Affrica mewn poen ond dw i’n credu y bydd hyn o fantais i’n gêm ni yn y tymor hir.

“Ry’n ni wedi mynd am yn ôl ac ar adegau, ry’n ni wedi ceisio cuddio’r craciau ond fel De Affricaniaid, gallwn ni weld nad yw’r drefn yn llwyddo.”

Mae Coetzee hefyd wedi beirniadu safon ffitrwydd ei chwaraewyr, a hynny am fod rhan helaeth ohonyn nhw’n chwarae’r tu allan i Dde Affrica pan nad ydyn nhw gyda’i gilydd fel carfan genedlaethol.

Un o’r chwaraewyr y mae amheuon am ei ffitrwydd yw’r blaenasgellwr Willem Alberts a gafodd anaf i’w wddf wythnos diwethaf wrth wynebu’r Eidal.

Doedd Alberts ddim ar gael i ymarfer fore ddoe, ac fe fydd ganddo tan fore Iau i brofi ei ffitrwydd cyn i’r tîm gael ei gyhoeddi.

Ond pe na bai e ar gael, fe allai Coetzee droi at Oupa Mohoje neu Jean-Luc du Preez.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd