Craig Bellamy yn trafod ei frwydr gydag iselder

Diweddarwyd am  

Craig Bellamy

Mae Craig Bellamy, cyn-ymosodwr tîm pêl-droed Cymru, wedi datgelu ei fod wedi dioddef o iselder.

Mewn cyfweliad gyda Sky Sports, dywed Craig Bellamy ei fod wedi bod yn cymryd meddyginiaeth ers tair blynedd a bod anafiadau wedi gwneud ei gyflwr yn waeth.

“Ers y tair i bedair blynedd diwethaf, dw i wedi cael diagnosis o iselder,” meddai mewn cyfweliad â Sky Sports.

“Dwi’n ddyn isel ac alla i ddim osgoi hynny.

“Dw i wedi bod ar feddyginiaeth ers tair blynedd a dyma’r tro cyntaf i mi siarad am y peth.

“Doedd yr anafiadau ddim yn help. Roedden nhw mor anodd i’w goresgyn.

“Nid fel hyn roeddwn i’n disgwyl i fy ngyrfa bêl-droed fod.

“Doeddwn i ddim eisiau rhedeg, roedd yn brifo gormod.”

Gyrfa

Chwaraeodd Bellamy 78 o weithiau dros Gymru ac fe sgoriodd 81 o goliau mewn bron i 300 o gemau yn Uwch Gynghrair Lloegr.

Fe wnaeth Craig Bellamy ymddeol yn 34 oed ar ddiwedd tymor 2013-14, a hynny ar ôl iddo ddychwelyd i chwarae i Gaerdydd.

Mae e bellach yn gweithio fel hyfforddwr tîm dan 21 clwb Anderlecht yng Ngwlad Belg.

Roedd yn siarad yn ystod wythnos i godi ymwybyddiaeth o iechyd meddwl.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn