Gêm gyfartal i Gaerdydd

Diweddarwyd am  
Caerdydd

Bathodyn Clwb Pêl-droed Caerdydd

Llun: Logo’r clwb

Caerdydd 2–2 Brentford                                                                  

Gêm gyfartal a gafwyd yn Stadiwm Dinas Caerdydd brynhawn Sadwrn wrth i’r Adar Gleision groesawu Brentfod yn y Bencampwriaeth.

Daeth y goliau i gyd yn yr hanner cyntaf wrth iddi orffen yn gyfartal, dwy gôl yr un.

Pum munud yn unig a oedd ar y cloc pan yr aeth yr ymwelwyr ar y blaen, Luka Racic yn rhwydo yn y cwrt cosbi.

Dyblwyd mantais Brentford wedi ugain munud gyda chic rydd hyfryd Bryan Mbeumo yn dilyn trosedd Junior Hoilett ar Emiliano Marcondes ar ochr y cwrt cosbi.

Ni wnaeth Caerdydd roi’r ffidl yn y to serch hynny ac roeddynt yn ôl yn gêm ddeuddeg munud cyn yr egwyl, Hoilett yn rhwydo yn y canol wedi gwaith creu da Callum Paterson ac Albert Adomah ar yr asgell.

Ac roedd yr Adar Gleision yn gyfartal erbyn hanner amser diolch i gôl Joe Ralls, tafliad hir Will Vaukes yn cael ei benio ymlaen gan Paterson a Ralls yn rhywdo wrth y postyn pellaf.

Roedd cyfleoedd yn y ddau ben yn yr ail hanner gyda Joe Bennett yn methu un o’r goreuon i Gaerdydd.

Ond nid oedd mwy o goliau i fod wrth i’r ddau dîm orfod rhannu’r pwyntiau. Mae’r canlyniad yn gadael tîm Neil Harris yn yr unfed safle ar ddeg yn y tabl, bum pwynt o’r safleoedd ail gyfle.

.

Caerdydd

Tîm: Smithies, Sanderson, Morrison, Nelson, Bennett, Bacuna, Vaulks, Ralls (Ward 80’), Adomah, Paterson, Hoilett

Goliau: Hoilett 34’, Ralls 45+1’

Cardiau Melyn: Adomah 23’, Bacuna 52’, Hoilett 75’, Vaulks 81’

.

Brentford

Tîm: Raya, Dalsgaard, Racic, Pinnock, Henry, Marcondes (Baptiste 84’ (Zamburek 90+3’)), Norgaard, Dasilva, Mbeumo, Watkins, Benrahma

Goliau: Racic 5’, Mbeumo 21’

Cerdyn Melyn: Baptiste 85’

.

Torf: 22,393

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn