Fulham yn curo Abertawe

Diweddarwyd  

Abertawe 1–2 Fulham                                                                      

Roedd dwy gôl hanner cyntaf Alekandar Mitrovic yn ddigon i Fulham guro Abertawe ar y Liberty yn y Bencampwriaeth nos Wener.

Rheolodd yr Elyrch rannau helaeth o’r gêm ond roedd dwy gôl mewn cyfnod o ugain munud gan brif sgoriwr y gynghrair yn ddigon i’r ymwelwyr er gwaethaf gôl ail hanner George Byers.

Abertawe a ddehcreuodd orau a gwastraffodd Sam Surridge gyfle euraidd i’w rhoi ar y blaen yn y munudau cyntaf, yn anelu’n syth at Marek Rodak yn y gôl. Daeth Byers yn agos i’r Elyrch hefyd, yn taro’r postyn gydag ergyd isel.

Er i’r tîm cartref reoli’r ugain munud cyntaf, yr ymwelwyr a aeth ar y blaen hanner ffordd trwy’r hanner. Mitrovic yn penio i gefn y rhwyd wedi i gynnig gwreiddiol Aboubakar Kamara adlamu’n garedig iddo oddi ar y trawst.

Ac roedd hi’n ddwy i Fulham cyn hanner amser, Mitrovic yn sgorio’i ail, yn gorffen yn dda gydag ergyd gadarn i do’r rhwyd wedi croesiad isel Ivan Cavaleiro.

Roedd Byers yn amlwg trwy gydol y gêm ac ef a dynnodd gôl yn ôl i Abertawe hanner ffordd trwy’r ail hanner, yn penio’n gywir o groesiad Barrie McKay.

Pwysodd yr Elyrch am ail wedi hynny ond dal eu gafael a wnaeth Fulham. Mae’r canlyniad yn gadael tîm Steve Cooper yn chweched yn y tabl ond gall hynny newid wedi gemau dydd Sadwrn.

.

Abertawe

Tîm: Woodman, Roberts, Wilmot, van der Hoorn, Naughton, Fulton (Carroll 74’), Grimes, Ayew, Byers, Peterson (McKay 58’), Surridge (Baston 84’)

Gôl: Byers 65’

.

Fulham

Tîm: Rodak, Odoi, Mawson, Ream, Bryan, Johansen, Cairney, Kamara (McDonald 74’), Onomah (Christie 79’), Cavaleiro (Knockaert 85’), Mitrovic

Goliau: Mitrovic 22’, 43’

Cerdyn Melyn: Kamara 32’

.

Torf: 16,024

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd