Canmol Joe Ralls ar ôl i Gaerdydd drechu Birmingham o 4-2

 
Wyneb Neil Warnock yn edrych i'r camera

Neil Warnock

Llun: pgcedave111 CCA3.0

Mae Neil Warnock, rheolwr tîm pêl-droed Caerdydd, wedi canmol Joe Ralls am sgorio hatric yn y fuddugoliaeth o 4-2 dros Birmingham, er ei fod e’n chwarae ag anaf.

Ymhlith yr hatric roedd dwy gic o’r smotyn, gyda’r holl goliau’n dod o fewn cyfnod o bum munud.

Sgoriodd Lukas Jutkiewicz a Kristian Pedersen o fewn 17 munud cynta’r gêm i roi Birmingham ar y blaen o 2-0.

Ond cafodd yr Adar Gleision gic o’r smotyn ar ôl i Harlee Dean dynnu crys Aden Flint.

Fe wnaeth Joe Ralls drosi’r gic ddadleuol o’r smotyn cyn i Curtis Nelson rwydo’i gôl gyntaf.

Cafodd Danny Ward ei anfon o’r cae am dacl flêr ar Kerim Mrabti ond sgoriodd Joe Ralls ei ail gôl yn fuan wedyn.

Tarodd Ivan Sunjic chwip o ergyd o 25 llathen i roi llygedyn o obaith i Birmingham, ond cafodd Harlee Dean ei anfon o’r cae yn hwyr yn y gêm am ddefnyddio’i benelin ar Joe Ralls.

Canmol

“Gallech chi weld y boen pan ddaeth e oddi ar y cae ar y diwedd, ond bydd hynny’n cilio heno wrth iddo fe sylweddoli ei fod e wedi sgorio’i hatric cyntaf ers nifer o flynyddoedd yma,” meddai’r rheolwr.

“Y peth am Ralls yw mai fe yw’r chwaraewr mwyaf hawdd i’w feirniadu ymhlith y cefnogwyr, ond dyw e byth yn cuddio, mae e bob amser eisiau’r bêl hyd yn oed pan nad yw e’n cael amser da.

“Mae’n gofyn am dipyn o ddewrder i chwarae yn y modd mae e’n ei wneud, felly rhaid ei ganmol e ar ôl iddo fe gael diwrnod fel heddiw.

“Gobeithio’i fod e wir yn mwynhau’r penwythnos.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd