Abertawe’n teithio i Wigan: “Rhaid bod yn barod” meddai Steve Cooper

Diweddarwyd am  
Steve Cooper Abertawe

Steve Cooper, rheolwr tîm pêl-droed Abertawe

Llun: golwg360 / Alun Rhys Chivers

Mae Steve Cooper, rheolwr tîm pêl-droed Abertawe, yn dweud y bydd yn rhaid i’w dîm fod yn barod i herio Wigan oddi cartref yn Stadiwm DW heddiw (dydd Sadwrn, Tachwedd 2).

Byddai buddugoliaeth yn eu codi i frig y Bencampwriaeth.

Mae’r Elyrch yn ddi-guro oddi cartref yn y Bencampwriaeth o hyd, ond dydy Wigan ddim wedi colli yn eu pedair gêm ddiwethaf ar eu tomen eu hunain, a dydyn nhw ddim wedi ildio’r un gôl yn y gemau hynny.

Ond mae’r Elyrch yn mynd yno ar ôl yr hwb o ennill gêm ddarbi’r de yn erbyn Caerdydd yr wythnos ddiwethaf, gyda Steve Cooper yn galw ar ei dîm i ailadrodd y perfformiad hwnnw.

‘Gêm fawr’

“Mae’n gêm fawr yn erbyn Wigan ac rydym yn canolbwyntio’n fawr ar honno,” meddai’r rheolwr.

“Mae gan Wigan record anhygoel gartref, ac maen nhw’n eithaf dygn.

“Maen nhw’n sicr yn dîm sydd â chwaraewyr da ac maen nhw wedi buddsoddi rywfaint yn y garfan dros yr haf.

“Maen nhw’n chwarae i ennill, maen nhw’n sgorio goliau ac maen nhw’n gystadleuol.

“Mae’n gêm y mae’n rhaid i ni fod yn barod amdani, ac mi fyddwn ni.

“Rydyn ni’n edrych ymlaen ati.”

Tîm Abertawe

Mae Joe Rodon, amddiffynnwr ifanc Cymru, allan am dri mis ar ôl cael llawdriniaeth ar ei ffêr.

Mae Aldo Kalulu bron â bod yn barod i ddychwelyd i’r cae ar ôl deufis allan ag anaf i’w ffêr yntau hefyd.

Mae’r golwr Erwin Mulder allan o hyd ar ôl torri ei fys.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd