“Cosb Bangor heb ei dileu” – er honiad y clwb

Diweddarwyd am  

Stand Nantporth

Er i glwb pêl-droed Bangor ddod allan o wrandawiad arbennig ddoe yn honni bod eu cosb wedi’i dileu, mae Cymdeithas Bêl-droed Cymru eto i gyfagd er mwyn penderfynu ar y ffordd ymlaen.

Mewn datganiad, mae Bangor yn dweud  fod y corff llywodraethu wedi dileu’r gosb o 42 pwynt fyddai’n golygu bod Bangor yn aros yng nghynghrair Huws Gray y tymor nesaf.

Ond mae datganiad gan Gymdeithas Bêl-droed Cymru yn dweud nad yw’r achos ar ben ac y bydd cyfarfod arall yn rhoi cyfle i swyddogion Bangor gyflwyno mwy o dystiolaeth.

“Yn y gwrandawiad, cyflwynwyd gwybodaeth newydd gan Glwb Pêl-droed Dinas Bangor, ac roedd y Panel Apeliadau yn teimlo bod angen ei ystyried ymhellach,” meddai’r Gymdethas.

“O ganlyniad, penderfynodd y Panel ohirio’r gwrandawiad tan FMehefin 24, 2019, ac yna bydd y Panel yn ail-ymgynnull i ystyried yr apêl a gyflwynwyd gan Glwb Pêl-droed Dinas Bangor.”

Fe ryddhaodd Cymdeithas Bêl-droed Cymru ddatganiad trylwyr yn ymwneud â nifer o gyhuddiadau yn erbyn y clwb ym mis Ebrill eleni.

Byddai colli’r apêl wedi gweld Bangor yn disgyn i gynghrair is am yr ail dymor yn olynol oherwydd problemau oddi ar y cae.

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd