“Gêm bwysig iawn” yn Hwngari, meddai amddiffynnwr Cymru

 
Y pel-droediwr Chris Mepham

Y pel-droediwr Chris Mepham

Llun: Clwb Pel-droed Brentford

Mae Chris Mepham, amddiffynnwr tîm pêl-droed Cymru, yn dweud bod y gêm yn Hwngari nos Fawrth (Mehefin 11) yn “bwysig” ar ôl colli o 2-1 yng ngemau rhagbrofol Ewro 2020 yn Croatia.

Mae Hwngari ar frig y grŵp ar ôl curo Azerbaijan o 3-1.

Mae Cymru dri phwynt islaw’r brig, gyda Hwngari a Croatia uwch eu pennau, ond mae ganddyn nhw gêm wrth gefn.

“Bydden ni’n siomedig iawn pe baen ni’n dod i ffwrdd heb bwyntiau o’r ddwy gêm,” meddai Chris Mepham.

“Dw i ddim yn credu bod rhaid ennill, ond mae’n gêm bwysig iawn er mwyn cael canlyniad.

“Dw i’n gweld Croatia fel y tîm i’w guro yn y grŵp, ond cafodd Hwngari ganlyniad yn eu herbyn nhw, felly mae angen i ni ddangos y parch iddyn nhw maen nhw’n ei haeddu.

“Maen nhw’n dîm da ac ar ôl y canlyniad hwn, mae’n bwysicach fyth ein bod ni’n cael triphwynt.”

Edrych ymlaen at y gêm

Mae disgwyl i Ryan Giggs wneud nifer o newidiadau i’r tîm, gydag ychydig ddiwrnodau rhwng y ddwy gêm ac yn enwedig yn sgil y gwres yn Croatia.

Gallai Chris Gunther ac Ethan Ampadu gael eu dewis, ynghyd â David Brooks, oedd wedi serennu o’r fainc yn Osijek wrth sgorio’i gôl ryngwladol gyntaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd