Gêm Caerdydd yn erbyn Huddersfield “mor fawr ag unrhyw un arall”

 
Caerdydd

Bathodyn Clwb Pêl-droed Caerdydd

Llun: Logo’r clwb

Mae gêm tîm pêl-droed Caerdydd yn erbyn Huddersfield heddiw (dydd Sadwrn, Ionawr 12) “mor fawr ag unrhyw gêm arall y tymor hwn”, meddai’r rheolwr Neil Warnock.

Mae’r Adar Gleision wyth pwynt uwchlaw’r ymwelwyr, ac maen nhw’n ail ar bymtheg yn y tabl, un safle uwchlaw’r gwymp.

Maen nhw heb fuddugoliaeth yn eu dwy gêm ddiwethaf.

“Mae’r ystafell newid yn ein helpu ni gyda’r ysbryd sydd gyda ni,” meddai Neil Warnock.

“Mae’r bois yn wych a does gen i ddim rheswm i’w hamau nhw.

“Pe bawn i’n mynd i’r ffosydd, byddwn i am eu cael nhw ochr yn ochr â fi.

“Rhaid i ni fanteisio ar fwy o’n cyfleoedd gan ein bod ni wedi llithro’n ôl yn yr ystyr hynny dros yr wythnosau diwethaf.”

Ei wrthwynebydd, David Wagner

Mae Neil Warnock yn llawn canmoliaeth ar gyfer David Wagner, rheolwr Huddersfield, ar ôl iddo lwyddo i gadw ei dîm yn Uwch Gynghrair Lloegr y tymor diwethaf.

“Roedd yn gamp anhygoel,” meddai.

“Ro’n i’n meddwl y dylai David fod wedi ennill gwobr Rheolwr y Flwyddyn y tymor diwethaf yn sgil yr hyn a gyflawnodd e.

“Maen nhw wedi chwarae’n dda iawn mewn rhai gemau.

“Gall hynny fod yn rhwystredig yn yr Uwch Gynghrair – rydych chi’n edrych ar sut wnaethon ni yn erbyn Burnley ac Arsenal yn gynnar, ond does dim angen pump neu chwech o gyfleoedd ar y timau mawr i sgorio.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd