Cymdeithas Bel-droed Cymru yn asesu ffitrwydd Gareth Bale

Diweddarwyd am  

Gareth Bale

Llun: Football.ua CC SA 3.0 trwy Gomin Wicimedia

ByddCymdeithas Bel-droed Cymru yn asesu ffitrwydd Gareth Bale cyn y gêm gyfeillgar yn erbyn Sbaen nos Iau yma a’r gêm yn erbyn Gweriniaeth Iwerddon wythnos i nos Fawrth (Hydref 16).

Cafodd yr ymosodwr 29 oed ei gyfnewid yn yr 80fed munud wrth i’w dim, Real Madrid, golli 1-0 yn Alaves yn y La Liga ddydd Sadwrn.

Dywedodd rheolwr Real, Julen Lopetegui: “Roedd gan Gareth anaf, felly roedd yn rhaid inni wneud penderfyniadau yn ymwneud a newidiadau.”

Ond fe ymunodd Gareth Bale a charfan Cymru yng Nghaerdydd ddydd Sul.

Mae tîm Sbaen yn debyg o gynnwys nifer o’i gyd-chwaraewyr yn nhîm Real.

Ond os oes ganddo anaf, mae’n bosib na fydd yn chwarae nos Iau yn Stadiwm y Mileniwm oherwydd y gêm bwysig yn erbyn Gweriniaeth Iwerddon bum niwrnod yn ddiweddarach.

Mae Bale ymysg yr enwebiadau ar gyfer gwobr dynion y Ballon d’or- eleni. Yr enwau eraill sydd wedi eu henwebu ydy ymosodwr Manchester City Sergio Aguero, golgeidwad Lerpwl, Alisson Becker, ymosodwr Real Madrid, Karim Benzema, ac ymosodwr Paris St-Germain Edinson Cavani.

Bydd y cyfan o’r rhestr o 30 o enwebiadau yn cael eu datgelu yn ystod heddiw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd