“Dyfodol pêl-droed Cymru yn ddisglair yn nwylo Ryan Giggs”

Diweddarwyd am  
Crys coch, a logo'r Gymdeithas Bel-droed ar y frest

Llun: Cymdeithas Bêl-droed Cymru

Mae dyfodol pêl-droed Cymru yn ddisglair ar ôl penodiad Ryan Giggs yn brif hyfforddwr, yn ôl rheolwr y garfan genedlaethol o dan 21 oed.

Er ei bod yn edrych yn debyg na fydd y tîm o dan 21 oed yn cyrraedd rowndiau terfynol yr Euros yn yr Eidal yr haf nesa’, mae Rob Page yn credu bod Ryan Giggs wedi dod â bywyd newydd i bêl-droed Cymru.

Mae’n dweud bod effaith Ryan Giggs yn cael ei deimlo ar draws y maes, wrth iddo gyflwyno rhai o’i syniadau a’i newidiadau ei hun i garfan Cymru.

“Manwl iawn”

“Mae Ryan eisiau cyflwyno prif egwyddorion ac mae e’n fanwl iawn yn y ffordd y mae e’n gweithio,” meddai Rob Page.

“Mae e eisiau arddwysedd uchel mewn sesiynau hyfforddi, fel mewn gemau, ac mae hynny’n rhoi min cystadleuol i’r angen am fwy o chwaraewyr sydd o’th gwmpas.

“Mae yna newidiadau bach eraill y mae e eisiau eu cyflwyno gyda’r grwpiau oedran a fydd yn helpu gwneud y newid o’r tîm o dan 17 i 21 oed mor llyfn â phosib.

“Felly pan maen nhw’n cyrraedd y tîm cyntaf, fydd e ddim yn wahanol iddyn nhw gan fod ganddyn nhw eisoes ddealltwriaeth o sut mae Ryan yn hoff o weithio.”

Y gêm nesa’

Bydd y tîm o dan 21 oed yn herio Liechtenstein ym Mangor nos yfory (dydd Gwener, Medi 7).

Fe lwyddodd y crysau cochion i guro’r wlad o Ewrop o dair gôl i un fis Hydref y llynedd, ond dim ond un pwynt y maen nhw wedi llwyddo i’w ennill yn ystod eu tri gêm diwetha’ yn nhabl wyth yr Euros.

Bydd tîm cynta’ Cymru yn herio Gweriniaeth Iwerddon yn Stadiwm Dinas Caerdydd heno, cyn y gêm yn erbyn Denmarc nos Sul.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd