Bangor yn curo’r Seintiau

Diweddarwyd am  

Bangor 1–0 Y Seintiau Newydd                                                    

Rhoddwyd hwb i obeithion Bangor o orffen yn ail yn nhabl Uwch Gyngrhair Cymru gyda buddugoliaeth dros y pencampwyr yn Nantporth nos Sadwrn.

Gwnaeth y Seintiau Newydd sawl newid i’r tîm yn eu gêm gyntaf ers sicrhau’r teitl, ac fe fanteisiodd Bangor yn llawn gan ennill y gêm gyda gôl gynnar Dean Rittenberg.

Hanner Cyntaf

Dechreuodd y Seintiau’n dda ac roedd yn rhaid i gôl-geidwad Bangor, Matthew Hall, fod yn effro i atal Greg Draper un-ar-un wedi dim ond tri munud.

Daeth y gôl agoriadol, serch hynny, yn erbyn llif y chwarae wrth i Rittenberg roi’r tîm cartref ar y blaen wedi deg munud. Er i Paul Harrison wneud yn dda i arbed peniad gwreiddiol Alex Darlington, fe wyrodd y bêl yn ôl i gyfeiriad Darlington a sgwariodd yntau hi ar draws y cwrt chwech i roi gôl ar blât i Rittenberg.

Y Seintiau a gafodd y gorau o’r hanner cyntaf wedi hynny ond roedd Hall yn cael gêm i’w chofio rhwng y pyst i’r Dinasyddion.

Gwnaeth y golwr cartref dri arbediad da i atal Draper, Dean Ebbe a Kevin Kauber mewn cyfnod o funud yn fuan ar ôl gôl Bangor. Ond daeth arbediad gorau Hall ddau funud cyn yr egwyl pan lwyddodd i gael blaen ei fysedd i’r bêl i wyro cynnig arall gan Draper yn erbyn y trawst.

Ail Hanner

Parhau a wnaeth y frwydr rhwng Draper a Hall yn yr ail hanner gyda’r gŵr rhwng y pyst yn cael y gorau o’r blaenwr unwaith eto mewn sefyllfa un-ar-un toc cyn yr awr.

Cafwyd arbediad da arall gan Hall ddeg munud o’r diwedd, ac er i ran helaeth o’r ail hanner gael ei chwarae yn hanner Bangor, fe ddaliodd y tîm cartref eu gafael ar y llechen lân i sicrhau’r fuddugoliaeth.

Mae Bangor yn aros yn drydydd er gwaethaf y tri phwynt ond gwahaniaeth goliau’n unig sydd yn eu gwahanu hwy a Chei Connah sydd yn ail gyda thair gêm yn weddill ac mae’r ddau dîm i wynebu ei gilydd mewn pythefnos.

.

Bangor

Tîm: Hall, Bembo-Leta, Kennedy, Wall (Shaw 83’), Miley (Williams 19’), Hewitt, Gosset, Darlington, Holmes, Rittenberg, Wilson

Gôl: Rittenberg 10’

.

Y Seintiau Newydd

Tîm: Harrison, Spender, Craven, Edwards, Rawlinson, Ebbe, Draper, Brobbel, Clark (Jones 89’), Kauber (Bower 88’), Holland

.

Torf: 522

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd