Buddsoddi yn Abertawe yn “dipyn o antur” i Americanes

Diweddarwyd  
Stadiwm Liberty

Stadiwm Liberty

Llun: Christopher Elkins CC 2.0 trwy Wikimedia Commons

Mae’r actores Mindy Kaling wedi dweud bod buddsoddi yng Nghlwb Pêl-droed Abertawe yn “dipyn o antur” iddi.

Gwnaeth ei sylwadau wrth iddi ymddangos fel gwestai ar raglen Lorraine ar ITV heddiw, ynghyd â Reese Witherspoon ac Oprah Winfrey.

Mae’r Americanes yn un o gonsortiwm o Americanwyr sydd wedi buddsoddi yn yr Elyrch ar ôl i Steve Kaplan a Jason Levien lwyddo i sicrhau rheolaeth dros y clwb.

Yn ystod y cyfweliad heddiw, dywedodd Mindy Kaling ei bod hi’n cefnogi’r clwb o bell wrth iddyn nhw frwydro i aros yn Uwch Gynghrair Lloegr am dymor arall. Ar hyn o bryd, maen nhw’n bedwerydd ar ddeg yn y tabl, bedwar pwynt uwchlaw’r tri isaf.

“Mae pêl-droed yn gamp anhygoel,” meddai Mindy Kaling.

“Dw i’n credu yn y tîm hwn, a dw i’n credu ei fod yn ddewis clyfar. Dw i ddim yn credu ei fod yn mynd i unman.

“Gallwn i fod wedi dewis rhywbeth yn nes at adref. Ond dw i’n credu ei bod yn antur.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd