Cwpan Cymru – gemau rownd yr wyth olaf

 

Mae rownd wyth olaf cwpan Cymru yn cael ei chynnal dros y penwythnos (os bydd y tywydd yn caniatau) gyda thair gêm yn cynnwys chwech o glybiau Uwch Gynghrair Cymru.

Y gêm fyw ar y teledu ddydd Sul ydi honno rhwng Bangor a Phenydarren BGC o bumed haen pyramid pêl droed Cymru.

Fe fydd llawer yn gobeithio am gêm gyffrous arall ar Barc Waun Dew ar ôl diweddglo dydd Sul diwethaf pan sgoriodd Caerfyrddin ddwy gôl hwyr i unioni’r sgôr 3-3 yn erbyn ei gwrthwynebwyr, Aberystwyth. Gyda’r ddau glwb yn brwydro i aros yn yr Uwch Gynghrair, tybed a fydd gêm gwpan yn rhoi cyfle i’r clybiau anghofio am y frwydr am un diwrnod?

Bydd Llandudno yn herio tîm Chris Hughes, Y Drenewydd ac mae rheolwr Llandudno, Iwan Williams, a phroblemau anafiadau: “Rydan ni’n eithaf lawr ar niferoedd, ond yn hyderus o geisio cael y clwb i’r rownd gynderfynol am  y tro cyntaf yn ein hanes,” meddai wrth golwg360.

“Mae’n mynd i fod yn dasg anodd gan fod ni wedi colli dwywaith yn barod iddynt  y tymor hwn, ond mae hynny’n meddwl fod arnom ni un iddynt, felly gobeithio mai dydd Sadwrn yma mai ni fydd yn dathlu.

“Mae’n rhaid  i fi son hefyd am faint  o falch rydan ni fel clwb bod Toby Jones wedi’i ddewis  i garfan Cymru C, mae ei berfformiadau ers i mi ddod i’r clwb wedi bod yn gyson.”

A dau glwb sy’n cwrdd am yr ail wythnos yn olynol ar Lannau Dyfrdwy ydi Cei Connah a’r Seintiau Newydd. Fe fydd Cei Connah yn sicr eisiau dial ar ôl y golled 0-1 y penwythnos diwethaf.

“Ar ôl ddwy golled yn olynol ac wedi disgyn i’r bedwerydd safle, mae’n golygu bod  gêm dydd Sadwrn yn bwysig ar gyfer y ras am Ewrop.”meddai Jake Phillips wrth golwg360.

“Roedd yn gêm wythnos diwethaf , roedden yn siomedig iawn ar ddiwedd y gêm, felly rydan yn hyderus  cawn y canlyniad i fynd drwodd i’r rownd cyn derfynol. Mae’n gystadleuaeth baswn i ar glwb yn hoff iawn o’i ennill.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd