Yr Adar Gleision yn ail ar ôl curo Middlesbrough

Diweddarwyd am  
Caerdydd

Bathodyn Clwb Pêl-droed Caerdydd

Llun: Logo’r clwb

Mae tîm pêl-droed Caerdydd wedi codi i’r ail safle yn y Bencampwriaeth ar ôl curo Middlesbrough o 1-0 yn Stadiwm Dinas Caerdydd.

Peniodd y capten Sean Morrison y bêl i gefn y rhwyd ar ôl 34 munud i sicrhau’r triphwynt sy’n eu codi uwchben Derby ac Aston Villa.

Cyn heddiw, roedd Middlesbrough wedi ennill tair gêm allan o’u pedair gêm ddiwethaf oddi cartref.

Daeth cyfle cynnar i Junior Hoilett wrth iddo ergydio heibio i’r gôl, ond doedd hi ddim yn hir cyn i’r Adar Gleision osod eu stamp ar y gêm. Croesodd Hoilett i’r postyn pellaf wrth i Kenneth Zohore gael ei lorio, ond roedd Morrison yn barod i wyro’r bêl heibio i’r golwr Darren Randolph.

Fe allai Joe Ralls fod wedi dyblu mantais ei dîm, ond aeth ei ergyd yntau heibio i’r postyn hefyd.

Daeth cyfle i’r Saeson ar ôl 54 munud wrth i Stewart Downing symud tua’r gôl cyn taro’r bêl heibio i’r postyn unwaith eto.

Daeth cyfleoedd hwyr i Junior Hoilett a’r eilydd Loic Damour yn hwyr yn y gêm ond roedd Randolph yn barod gydag arbediadau i gadw llechen lân am y pymthegfed tro y tymor hwn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd