Caerdydd yn rhoi cweir i dîm Chris Coleman

Diweddarwyd am  
Caerdydd

Bathodyn Clwb Pêl-droed Caerdydd

Llun: Logo’r clwb

Caerdydd 4–0 Sunderland                                                              

Daeth rhediag gwael diweddar Caerdydd yn y Bencampwriaeth i ben gyda buddugoliaeth yn erbyn Sunderland yn Stadiwm y Ddinas brynhawn Sadwrn.

Roedd hi’n ddiwrnod diflas i Chris Coleman wrth iddo ddychwelyd i Gymru gyda’i dîm, nid yn unig yn colli’n drwm, ond yn gorffen y gêm gyda deg dyn hefyd.

Wedi hanner cyntaf di sgôr fe aeth y tîm cartref ar y blaen wedi llai na munud o’r ail gyda pheniad Callum Paterson o gic gornel Joe Ralls.

Roedd Sunderland i lawr i ddeg dyn yn fuan wedyn yn dilyn cerdyn coch braidd yn hallt i Didier Ndong am drosedd ar Junior Hoilett.

Manteisiodd Caerdydd yn llawn gydag ail gôl ddeg munud yn unig ar ôl troi, Ralls yn gorffen yn dda o ochr y cwrt cosbi wedi gwaith da Kenneth Zohore i lawr y chwith.

Bu rhaid aros tan ddeg munud o’r diwedd am drydedd gôl yr Adar Gleision, Paterson yn rhwydo’i ail ef wedi i gic rydd Zohore wyro i’w lwybr.

Daeth y bedwaredd yn yr amser a ganiateir am anafiadau ar ddiwedd y gêm wrth i ddau eilydd gyfuno’n dda, Yanic Wildschut yn creu ac Anthony Pilkington yn rhwydo.

Cododd y canlyniad Gaerdydd i’r ail safle yn y Bencampwriaeth am ychydig o oriau cyn i Derby ddychwelyd drostynt gyda buddugoliaeth dros Birmingham yn hwyrach yn y prynhawn.

.

Caerdydd

Tîm: Etheridge, Ecuele Manga, Morrison, Bamba, Richards, Mendez-Laing (Wildschut 59’), Paterson, Ralls, Bennett, Hoilett (Feeney 81’), Zohore (Pilkington 82’)

Goliau: Paterson 46’ 80’, Ralls 55’, Pilkington 90+4’

Cerdyn Melyn: Morrison 85’

.

Sunderland

Tîm: Ruiter, Jones, Browning, O’Shea, Clarke-Salter, Oviedo, Gooch (Asoro 60’), Ndong, Wilson (Cattermole 45’), Honeyman, Maja (McManaman 78’)

Cardiau Melyn: Oviedo 41’, Gooch 45+1’

Cerdyn Coch: Ndong 49’

.

Torf: 17,703

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd