Cymro ifanc yn dychwelyd yn gynnar i’r Elyrch

Diweddarwyd  

Connor Roberts

Llun: Clwb Pêl-droed Abertawe

Mae’r Cymro, Connor Roberts, wedi dychwelyd i Glwb Pêl-droed Abertawe hanner ffordd trwy’i gyfnod ar fenthyg ym Middlesbrough.

Aeth y cefnwr de yno am dymor cyfan ar ddechrau’r tymor hwn.

Roedd rheolwr Middlesbrough ar y pryd a chyn-reolwr yr Elyrch, Garry Monk, yn allweddol i benderfyniad y chwaraewr i gamu i lawr o’r Uwch Gynghrair i’r Bencampwriaeth.

Mae Garry Monk bellach wedi gadael y clwb ar ôl cael ei ddiswyddo, a’r Cymro Tony Pulis wedi’i benodi yn ei le.

Ond mae’r rheolwr newydd yn dweud bod ganddo “ormod o chwaraewyr y tu allan i’r unarddeg”, a bod angen cwtogi ar y garfan.

Ymunodd Connor Roberts ag Abertawe yn 2014, ond dyw e ddim wedi chwarae i’r tîm cyntaf, gan dreulio cyfnodau ar fenthyg yn Yeovil, Bristol Rovers a Middlesbrough.

Ond fe all fod yn dychwelyd i’r Elyrch ar adeg ddelfrydol, yn ystod absenoldebau dau gefnwr chwith y clwb, y capten Angel Rangel a Kyle Naughton.

Daeth Rangel oddi ar y cae yn ystod y golled o 2-0 yn erbyn Spurs neithiwr, ac fe fu’n rhaid i’r rheolwr newydd droi at yr amddiffynnwr canol Mike van der Hoorn i lenwi’r bwlch ar y dde.

Mae Kyle Naughton wedi’i wahardd am dair gêm.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd