Caerdydd 3–1 Leeds 
Cododd Caerdydd i frig y Bencampwriaeth gyda buddugoliaeth dros ddeg dyn Leeds yn Stadiwm y Ddinas nos Fawrth.
Roedd yr Adar Gleision eisoes ddwy gôl ar y blaen cyn i gapten yr ymwelwyr, Liam Cooper, gael ei anfon oddi ar y cae. Roedd trydedd gôl i ddilyn yn yr ail hanner cyn i Leeds dynnu un yn ôl.
Dechreuodd Caerdydd ar dân ac roeddynt yn llawn haeddu mynd ar y blaen gyda gôl Kenneth Zohore ddeunaw munud cyn yr egwyl.
Dyblodd Junior Hoilett y fantais gyda ergyd wych o bellter ddeg munud yn ddiweddarach ac roedd y tîm cartref yn gyfforddus.
Gwnaeth Cooper eu tasg yn un haws trwy dderbyn ei ail gerdyn melyn yn yr amser a ganiateir am anafiadau ar ddiwedd yr hanner cyntaf ac roedd y tri phwynt yn ddiogel toc cyn yr awr wedi i Zohore rwydo ei ail ef a thrydedd ei dîm.
Sgoriodd Kemar Roofe gôl gysur i Leeds wedi hynny ond noson Caerdydd oedd hi wrth iddynt neidio dros eu gwrthwynebwyr i frig y Bencampwriaeth.
.
Caerdydd
Tîm: Etheridge, Morison, Ecuele Manga, Bamba (Halford 90+2’), Peltier, Damour, Bryson, Bennett, Mendez-Laing (Feeney 85’), Hoilett, Zohore (Ward 76’)
Goliau: Zohore 28’, 59’, Hoilett 37’
.
Leeds
Tîm: Wiedwald, Ayling, Jansson, Cooper, Berardi, Klich (Vieira 67’), Phillips, Alioski (Grot 67’), Hernandez (Pennington 45’), Dallas
Gôl: Roofe 67’
Cardiau Melyn: Cooper 39’, 45+3’, Phillips 23’
Cerdyn Coch: Cooper 45+3’
.
Torf: 27,160
