Gêm ddi-sgôr yn chwalu gobeithion Cymru

Diweddarwyd am  


Cerdyn melyn i Gareth Bale, sy'n golygu na fydd yn cael chwarae yn Serbia (llun: BDC/Propaganda)
Pelláu mae rhagolygon Cymru o ennill lle yn rowndiau terfynol Cwpan y Byd y flwyddyn nesaf ar ôl methu â churo Iwerddon neithiwr.

Er mai Cymru a chwaraeodd orau am ran helaethaf y gêm, aeth pethau o chwith yn yr ail hanner, wrth i Neil Taylor gael cerdyn coch ar ôl tacl flêr yn erbyn capten Iwerddon, Seamus Coleman.

Torrodd Seamus Coleman ei goes yn y digwyddiad, a dywedodd Chris Coleman fod hyd yn peri gofid mawr i Neil Taylor.

“Dyw Neil Taylor ddim y math yma o chwaraewr,” meddai. “Mae wedi cael anaf difrifol ei hun. Mae’n fachgen teg a dymunol iawn.”

Mae Cymdeithas Bêl-droed Cymru wedi anfon neges at Seamus Coleman yn dymuno gwellâd buan iddo.

Er i Gareth Bale ddod yn agos iawn at sgorio unwaith, nid oedd ar ei orau neithiwr, ac ychydig iawn o gyfleoedd a gafodd i ergydio am y gôl. Cafodd gerdyn melyn hefyd, sy’n golygu na fydd yn gallu chwarae yn y gêm yn erbyn Serbia ym mis Mehefin.

Drwy fod Serbia wedi curo Georgia 4-0, nhw sydd ar frig y tabl bellach, gyda Chymru bedwar pwynt ar ôl, wedi ennill un yn unig o’r pum gêm hyd yma.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd