Wrecsam 3–1 Guiseley 
Tarodd Wrecsam yn ôl i guro Guiseley yn y Gynghrair Genaedlaethol brynhawn Sadwrn.
Aeth yr ymwelwyr ar y blaen yn gynnar ar y Cae Ras cyn i’r Dreigiau daro nôl gyda goliau Massanka a Rooney (2).
Aeth Guiseley ar y blaen wedi dim ond deg munud diolch i beniad cyn chwaraewr Cyffordd Llandudno a Chymru dan 21, Jake Cassidy.
Roedd Wrecsam yn gyfartal cyn yr egwyl serch hynny diolch i gôl din dros ben wych Ntumba Massanka.
Felly yr arhosodd hi tan hanner amser ond aeth y Dreigiau ar y blaen toc cyn yr awr gyda gôl i John Rooney gwta funud wedi iddo ddod i’r cae fel eilydd.
Ychwanegodd Ronney ei ail ef a thrydedd ei dîm yn yr amser brifo ar ddiwedd y gêm i roi ychydig o awyr iach rhwng y timau.
Mae’r fuddugoliaeth yn codi’r Cymry i’r degfed safle yn nhabl Cynghrair Genedlaethol Lloegr, saith pwynt i ffwrdd o safleoedd y gemau ail gyfle.
.
Wrecsam
Tîm: Dunn, Jennings, Riley, Rutherford (Rooney 60’), Barry (Evans 78’), Tilt, Carrington, Shenton, Massanka, McLeod (White 85’)
Goliau: Massanka 31’, Rooney 62’ 90+3’
.
Guiseley
Tîm: Williams, Brown, Lowe, Walton, Hurst (Preston 69’), Lawlor, Hatfield, Cassidy (Boyes 80’), Asamoah (Logan 80’), Rankine
Gôl: Cassidy 11’
.
Torf: 3,730
