Abertawe 1–3 Man City 
Collodd Abertawe yn erbyn Man City ar y Liberty am yr eildro mewn pedwar diwrnod brynhawn Sadwrn.
Roeddynt eisoes wedi colli yn erbyn tîm Pep Guardiola yng Nghwpan y Gynghrair nos Fercher cyn colli yn erbyn yr un gwrthwynebwyr yn y gynghrair dridiau’n ddiweddarach.
Aeth Man City ar y blaen wedi dim ond naw munud, Sergio Aguero yn creu lle iddo’i hun gyda chyffyrddiad cyntaf gwych cyn gorffen yn daclus wedi gwaith da Bacary Sagna ar y dde.
Cafwyd ymateb da gan yr Elyrch ac roeddynt yn gyfartal o fewn pedwar munud diolch i Fernando Llorente a’i gôl gyntaf dros y clwb, y Sbaenwr yn rhwydo gydag ergyd ffyrnig yn dilyn pêl dda Gylfi Sigurdsson iddo.
Abertawe a oedd y tîm gorau o hynny tan hanner amser ond methodd gwŷr Guidolin a manteisio a chawsant eu cosbi wrth i Man City ymateb yn gryf yn yr ail hanner.
Aeth yr ymwelwyr ar y blaen ugain munud wedi troi gyda chic o’r smotyn chwareus Aguero yn dilyn trosedd honedig Mike van der Hoorn ar Kevin De Bruyne.
Dybodd Raheem Sterling y fantais gyda gôl dda chwarter awr o’r diwedd, yn curo’i ddyn yn y cwrt cosbi cyn gorffen yn daclus heibio i Lukasz Fabianski.
Mae’r canlyniad yn cadw City ar y brig ond mae Abertawe ar y llaw arall yn llithro i’r unfed safle ar bymtheg.
.
Abertawe
Tîm: Fabianski, Rangel, van der Hoorn, Amat, Naughton, Britton (Borja 79’), Cork (Ki Sung-yueng 73’), Sigurdsson, Fer, Routledge (Barrow 73’), Llorente
Gôl: Llorente 13’
Cardiau Melyn: Amat 58’, van der Hoorn 64’
.
Man City
Tîm: Bravo, Sagna (Zabaleta 78’), Otamendi, Stones, Kolarov, Fernandinho, Gundogan (Fernando 68’), Silva, De Bruyne (Navas 81’), Sterling, Aguero
Goliau: Aguero 9’, [c.o.s.] 65’, Sterling 77’
Cardiau Melyn: Sagna 31’, Fernandinho 37’, Sterling 77’, Kolarov 87’
.
Torf: 20,789
