Y glaw yn debygol o achub Morgannwg

Diweddarwyd am  

Criced

Llun: CC0

Mae gêm Bencampwriaeth Morgannwg yn erbyn Middlesex yn Radlett yn debygol o orffen yn gyfartal ar y diwrnod olaf heddiw (dydd Mercher, Mehefin 19).

Dim ond 48 o belawdau oedd yn bosib ar y trydydd diwrnod, fel bod Morgannwg yn dechrau’r diwrnod olaf ar 274 am naw yn eu batiad cyntaf – 136 o rediadau y tu ôl i gyfanswm batiad cyntaf Middlesex o 410.

Cipiodd Steven Finn bum wiced mewn batiad am y tro cyntaf y tymor hwn, ar ôl i Forgannwg ddechrau’r diwrnod ar 112 am dair.

Batio cadarn gan Forgannwg

Tarodd y capten David Lloyd 59 mewn partneriaeth o 86 gyda Tom Cullen (50), cyn i Graham Wagg sgorio 37 heb fod allan.

Cafodd Billy Root ei fowlio am 17 ganddo, cyn i’r bowliwr gipio wiced Owen Morgan am ddim, wrth iddo roi daliad i’r wicedwr John Simpson. Erbyn hynny, roedd Morgannwg yn 118 am bump.

Ond tarodd Morgannwg yn ôl wrth i David Lloyd gyrraedd ei hanner canred cyn tynnu pelen gan Steven Finn i ddwylo Tom Helm.

Middlesex yn taro’n ôl

Cyrhaeddodd Tom Cullen ei drydydd hanner canred mewn pum gêm cyn i Paul Stirling gipio dwy wiced mewn pelawd.

Cafodd Tom Cullen ei ddal yn agos gan Stevie Eskinazi cyn i Marchant de Lange gael ei ddal ar ochr y goes gan Tim Murtagh.

Erbyn hynny, roedd Morgannwg o fewn 28 rhediad o osgoi gorfod canlyn ymlaen, a batiodd Graham Wagg a Lukas Carey i groesi’r trothwy.

Cafodd Lukas Carey ei ddal yn sgwâr ar yr ochr agored gan George Scott oddi ar fowlio Steven Finn, a Morgannwg yn 266 am naw.

Ond daeth y glaw yn fuan wedyn, a daeth y chwarae i ben am 5 o’r gloch.

 

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd