Morgannwg dan bwysau ar gae San Helen

Diweddarwyd am  

Criced

Llun: CC0

Fe fydd Morgannwg yn dechrau ail ddiwrnod eu gêm Bencampwriaeth yn erbyn Swydd Derby ar gae San Helen yn Abertawe ar 167 am bump, ar ôl colli rhan sylweddol o’r diwrnod cyntaf o ganlyniad i law a golau gwael.

Ar ôl tipyn o law dros nos, doedd dim modd dechrau’n brydlon ac fe benderfynodd y dyfarnwyr, Michael Burns a Russell Warren, ar ôl archwilio’r cae y byddai’r gêm yn dechrau am 12 o’r gloch.

Ond ar ôl cawod arall, cafodd y chwaraewyr ginio cynnar, a dechrau am 1.10yp.

Ar ôl penderfynu bowlio ar ddiwrnod cymylog ar lan y môr, pedair pelen yn unig gymerodd hi i Swydd Derby gipio wiced, wrth i Tony Palladino daro coes Nick Selman o flaen y wiced, heb ei fod e wedi sgorio.

Ychwanegodd Charlie Hemphrey a Marnus Labuschagne 54 am yr ail wiced cyn i Alex Hughes ddal Marnus Labuschagne yn yr ail slip oddi ar fowlio Luis Reece, y bowliwr cyflym llaw chwith, am 37.

Yn ystod ei fatiad, fe darodd e chwe phedwar ac un chwech.

Roedd Charlie Hemphrey a David Lloyd wedi ychwanegu 47 am y drydedd wiced cyn i Tony Palladino daro coes Charlie Hemphrey o flaen y wiced am 32, a’r sgôr erbyn hynny’n 101 am dair.

Cwympodd y bedwaredd wiced ar 114, wrth i’r capten David Lloyd gael ei ddal yn sgwâr ar yr ochr agored gan Tom Lace oddi ar fowlio Logan van Beek am 32.

Roedden nhw’n 157 am bump pan gafodd Billy Root ei ddal yn y slip gan Wayne Madsen oddi ar fowlio Luis Reece am 28.

Gadawodd y chwaraewyr y cae gyda 25 pelawd o’r dydd yn weddill, a hynny o ganlyniad i’r golau gwael.

Sgorfwrdd

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd