Mitch Marsh yn ymuno â’i frawd Shaun ym Morgannwg

 

Mae Clwb Criced Morgannwg wedi cyhoeddi y bydd Mitch Marsh yn ymuno â’r sir ar gyfer cystadleuaeth ugain pelawd y Vitality Blast.

Mae’n ymuno â’i frawd Shaun, ac fe fydd e’n glanio yng Nghymru ar ddiwedd taith tîm ‘A’ Awstralia.

Ac yntau’n brofiadol mewn gemau ugain pelawd ym mhob cwr o’r byd, gan gynnwys yr IPL yn India a’r Big Bash yn ei famwlad, mae’r chwaraewr amryddawn rhyngwladol wedi ymddangos mewn 95 o gemau dros ei wlad, gan gynnwys 11 gêm ugain pelawd.

Mae e wedi taro saith hanner canred ar gyfartaledd o fwy na 30 mewn gemau ugain pelawd, ac mae ganddo fe gyfradd sgorio o fwy na 120.

Fel bowliwr, mae e wedi cipio 43 o wicedi ar gyfartaledd o 27.48, a’i ffigurau gorau yw pedair wiced am chwech rhediad.

Gobeithio am dlws

“Dw i wedi cyffroi’n lân o gael y cyfle i ymuno â Morgannwg, meddai.

“Dw i wedi clywed pethau da am y clwb a dw i bob amser yn anelu i wella a herio fy hun fel cricedwr, felly bydd cael chwarae yn y Vitality Blast yn brofiad da iawn.

“Mae Shaun yn amlwg wedi dweud tipyn wrtha i am y clwb, a pha mor gyfeillgar yw’r staff, y chwaraewyr a’r hyfforddwyr, felly dw i’n edrych ymlaen at gael dechrau.

“Mae tipyn o dalent yn y clwb ac maen nhw wedi gwneud yn dda dros y blynyddoedd diwethaf yn y gystadleuaeth, felly byddwn ni’n sicr yn anelu i gyrraedd y rowndiau olaf, a gobeithio cipio tlws.”

‘Y chwaraewr delfrydol’

“Mae’n wych cael arwyddo Mitch Marsh ar gyfer y Vitality Blast,” meddai Mark Wallace, cyfarwyddwr criced Morgannwg.

“Rydyn ni wedi bod yn ceisio cael gafael ynddo fe ers sbel gan ein bod ni’n credu mai fe yw’r chwaraewr delfrydol i wella’n tîm.

“Mae e’n dod gydag enw mawr iddo fe ei hun mewn gemau T20, gyda digon o brofiad rhyngwladol, ac mae e hefyd wedi chwarae yn yr IPL a’r Big Bash, felly mae e’n gwybod sut i chwarae criced T20 ar y llwyfan mawr.

“Roedden ni’n chwilio am chwaraewr ag iddo fygythiad dwbl, rhywun sy’n gallu bowlio ar gyflymdra da ac sy’n gallu batio mewn llefydd gwahanol yn y drefn fatio.

“Mae e’n bwrw’r bêl yn bwerus, ac mae’n gallu batio’n uchel neu’n isel yn y drefn, ac yn gallu cynnig hwb yn y pelawdau canol hefyd, felly rydym wrth ein bodd o’i gael e yma.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd