Morgannwg mewn sefyllfa gref yn Northampton

Diweddarwyd am  
Marchant de Lange

Marchant de Lange

Llun: Clwb Criced Morgannwg

Mae tîm criced Morgannwg mewn sefyllfa gref ar ddechrau ail ddiwrnod eu gêm Bencampwriaeth yn erbyn Swydd Northampton yn Northampton.

Bowlion nhw’r tîm cartref allan am 209, wrth i Marchant de Lange gipio pedair wiced, ac roedden nhw’n bump heb golli wiced pan ddaeth y glaw a golau gwael â therfyn i’r diwrnod cyntaf.

Bowlio cyflym ac ymosodol

 Ar ôl i Michael Hogan fowlio Ben Curran yn y pumed pelawd, cipiodd Marchant de Lange ei wiced gyntaf yn y degfed pelawd wrth fowlio Ricardo Vasconcelos i adael y tîm cartref mewn trafferth ar 36 am ddwy.

Cipiodd Timm van der Gugten ddwy wiced nesa’r Saeson, wrth i Temba Bavuma gael ei ddal yn y slip gan Marnus Labuschagne, cyn i Rob Keogh golli ei wiced yn yr un ffordd i roi daliad i’r capten David Lloyd. Erbyn hynny, roedd y Saeson yn 57 am bedair.

Cafodd Alex Wakely ei ddal gan Charlie Hemphrey am 28 i roi wiced i Dan Douthwaite gydag ergyd ddiog i’r slip, a’r Saeson yn 61 am bump.

Partneriaethau cyn colli rhagor o wicedi

Ychwanegodd Josh Cobb ac Adam Rossington 86 am y chweched wiced mewn 22.1 pelawd, cyn i’r bêl wyro i ffwrd oddi wrth Josh Cobb, a gafodd ei ddal gan y wicedwr Tom Cullen oddi ar fowlio Marchant de Lange.

Ychwanegodd Adam Rossington a Luke Procter 49 cyn i Adam Rossington gael ei ddal yn bachu gan Marnus Labuschagne oddi ar fowlio Michael Hogan am 77, a’r Saeson bellach yn 196 am saith ac yn mynd am gyfanswm parchus.

Ond collodd y Saeson eu tair wiced olaf am 11 rhediad, wrth i Luke Wood gael ei ddal gan Tom Cullen oddi ar fowlio Michael Hogan.

Cipiodd Marchant de Lange wicedi Nathan Buck gyda daliad yn y slip i Charlie Hemphrey, a Ben Sanderson, a gafodd ei fowlio i roi pedwaredd wiced i’r bowliwr ar ôl ildio 64 rhediad.

Batiodd Morgannwg am bedair pelawd cyn diwedd y dydd, gyda Nick Selman a Charlie Hemphrey wrth y llain ar ddechrau’r ail ddiwrnod.

Sgorfwrdd

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd