Cit newydd Morgannwg yn dathlu criced yng Nghymru

 
Chris Cooke

Chris Cooke

Llun: Clwb Criced Morgannwg

Fe fydd crysau tîm criced Morgannwg ar gyfer tymor 2018 yn cynnwys enwau holl glybiau criced Cymru.

Arwyddair answyddogol Morgannwg yw ‘Gwneud Cymru’n falch’ ac fe fydd eu crysau ar gyfer gemau undydd yn adlewyrchu hynny wrth gario enwau’r 194 o glybiau lleol ym mhob cwr o’r wlad.

Bydd y Ddraig Goch hefyd i’w gweld ar goler y crysau.

Dywedodd Prif Weithredwr y sir, Hugh Morris fod y clwb yn “falch iawn” o’r cit newydd.

“Roedd llawer o’n chwaraewyr presennol a chyn-chwaraewyr wedi datblygu trwy eu systemau, ac rydym wrth ein bodd o gael cydnabod hynny.

“Rydym yn teimlo’n angerddol iawn am gefnogi criced ar lawr gwlad yng Nghymru a thrwy enwi pob clwb yng Nghymru’n unigol, mae’n trwytho ym mhob chwaraewr, clwb a chefnogwr yn y wlad bwysigrwydd perfformio’n dda yn y tîm.”

Ymestyn cytundeb yr is-gapten newydd

Yn y cyfamser, daeth cadarnhad mai Chris Cooke yw is-gapten newydd y clwb.

Daeth y newyddion ar y diwrnod y gwnaeth y wicedwr ymestyn ei gytundeb gyda’r sir, fydd yn ei gadw yn y Swalec tan 2021.

Roedd e ar frig rhestr cyfartaleddau batio’r sir y tymor diwethaf yn y Bencampwriaeth, ac roedd yn berfformiwr cyson mewn gemau undydd hefyd.

“Dw i wedi mwynhau fy saith mlynedd ddiwethaf gyda Morgannwg yn fawr iawn, a dw i’n hapus iawn i ymroi i’r clwb yn y dyfodol.

“Mae gyda ni garfan dda ac os allwn ni barhau i adeiladu o amgylch pileri profiad gyda’r doniau Cymreig ifainc sy’n dod drwy ein rhaglen ddatblygu, fe fydd dyfodol disglair o’n blaenau.”

Dywed Hugh Morris fod Chris Cooke yn “un o’r batwyr-wicedwyr mwyaf talentog yn y gêm sirol” ac yn “esiampl yn yr ystafell newid”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd