Cyfres y Lludw: batiwr Morgannwg yn seren y gêm yn Adelaide

Diweddarwyd am  
Shaun Marsh

Shaun Marsh

Llun: Clwb Criced Morgannwg

Wrth i dîm criced Awstralia ennill ail gêm brawf Cyfres y Lludw yn erbyn Lloegr yn Adelaide, cafodd batiwr tramor Morgannwg, Shaun Marsh ei enwi’n seren y gêm.

Tarodd y batiwr llaw chwith, fydd yn dychwelyd i Gymru y tymor nesaf, 126 heb fod allan yn y batiad cyntaf wrth i’w dîm gyrraedd cyfanswm o 442-8 cyn cau’r batiad.

Fe ddaeth ei sgôr oddi ar 231 o belenni, ac roedd e wrth y llain am chwech awr namyn dwy funud wrth daro 15 pedwar ac un chwech.

Sgoriodd Lloegr 227 yn eu batiad cyntaf ac roedd ganddyn nhw lygedyn o obaith ar ôl i gapten Awstralia, Steve Smith benderfynu peidio â’u gorfodi i ganlyn ymlaen.

Cafodd Awstralia eu bowlio allan am 138 yn eu hail fatiad, gan osod nod o 354 i Loegr am y fuddugoliaeth.

Er bod capten Lloegr, Joe Root wedi sgorio 67, fe gollon nhw eu chwe wiced olaf y bore ma wrth gael eu bowlio allan am 233, a cholli yn y pen draw o 120 o rediadau.

Fe fydd rhaid i Loegr ennill y tri phrawf olaf yn Perth, Melbourne a Sydney er mwyn ennill y gyfres o 3-2. Ond gallen nhw gael cyfres gyfartal a chadw eu gafael ar dlws y Lludw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd