Mae gêm griced Morgannwg oddi cartref yn erbyn Swydd Derby wedi gorffen yn gyfartal heb i’r un belen gael ei bowlio ar y diwrnod olaf.
Roedd glaw trwm dros nos yn golygu nad oedd hi’n bosib ail-ddechrau heddiw yn dilyn cyfnodau hir o law ers dechrau’r gêm ddydd Mawrth.
Mae Morgannwg wedi cael wyth pwynt o’r gêm, a Swydd Derby wedi cael chwech, sy’n golygu bod Morgannwg yn seithfed yn y tabl gyda thair gêm o Bencampwriaeth y Siroedd yn weddill y tymor hwn.
Cipiodd Lukas Carey dair wiced, ac roedd dwy yr un i Marchant de Lange, Craig Meschede a’r capten Michael Hogan.
Bydd gêm nesaf Morgannwg yng Nghaerdydd yn erbyn Swydd Northampton yn dechrau ddydd Mawrth.
