Swydd Essex v Morgannwg: Colin Ingram yn edrych ymlaen

 


Ar ôl i’r glaw roi terfyn ar eu gêm yn erbyn Gwlad yr Haf yng Nghaerdydd neithiwr, mae batiwr Morgannwg Colin Ingram yn edrych ymlaen at herio Swydd Essex yn Chelmsford y prynhawn yma yng nghystadleuaeth ugain pelawd y T20 Blast (2.30pm).

Dim ond 17.2 pelawd oedd yn bosib neithiwr, ond fe darodd y batiwr o Dde Affrica 39 oddi ar 21 o belenni wrth i Forgannwg sgorio 171-5 cyn i’r glaw roi terfyn ar yr ornest.

Ac fe sgoriodd e ganredd oddi ar 46 o belenni yn erbyn Swydd Sussex yng nghastell Arundel yr wythnos ddiwethaf, y canred cyflymaf erioed i Forgannwg mewn gêm ugain pelawd.

Mae Colin Ingram eisoes wedi taro canred yn erbyn Swydd Essex y tymor hwn, gan sgorio 142 wrth i Forgannwg eu curo yng Nghaerdydd yng nghystadleuaeth 50 pelawd Cwpan Royal London.

Ac fe darodd e ganred oddi ar 55 o belenni ar gae Chelmsford y tymor diwethaf cyn i’r ornest ddod i ben yn gynnar oherwydd y glaw.

‘Brwydr dda’

Dywedodd Colin Ingram: “Dw i wir yn mwynhau chwarae yno. Mae’r llain bob amser yn dda, ac mae’r dorf ragfarnllyd yn rhoi hwb i fi, a dw i’n ei chael yn frwydr dda.

“Mae hi bob amser yn gystadleuaeth dda a bydd Swydd Essex yn ein taro ni’n galed, yn enwedig ar ôl colli eu dwy gêm gyntaf.”

Y timau

Does dim newid yng ngharfan Morgannwg, wrth i Kiran Carlson barhau i wella o anaf i’w goes.

Carfan Swydd Essex: R ten Doeschate (capten), J Foster, Mohammad Amir, R Bopara, V Chopra, M Dixon, S Harmer, D Lawrence, J Porter, C Taylor, P Walter, T Westley, A Wheater, A Zaidi

Carfan Morgannwg: D Lloyd, A Donald, J Rudolph (capten), C Ingram, C Cooke, G Wagg, C Meschede, A Salter, O Morgan, M de Lange, T van der Gugten, M Hogan

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd