Morgannwg “ddim wedi rhagweld” dechrau mor wael

 


Robert Croft (Llun: Clwb Criced Morgannwg)
Doedd Robert Croft “ddim wedi rhagweld” dechrau mor wael i’r tymor criced, meddai heddiw ar ôl i Forgannwg golli o wyth wiced heddiw ar drydydd diwrnod y gêm Bencampwriaeth yn erbyn Swydd Gaerwrangon yng Nghaerdydd.

Roedd Morgannwg eisoes wedi colli o fatiad oddi cartref yn erbyn Swydd Northampton yn eu gêm gyntaf yn ail adran y Bencampwriaeth.

Diffyg rhediadau fu’n bennaf gyfrifol am y ddau ganlyniad, wrth iddyn nhw gael eu bowlio allan am 101 a 187 yn Northampton, a 207 a 223 yng Nghaerdydd.

Roedd penderfyniad y capten Jacques Rudolph i fatio’n gyntaf yn Northampton hefyd yn gyfrifol am y canlyniad hwnnw.

Diffyg hyder ‘yn anochel’

Ar ôl y gêm heddiw, dywedodd Robert Croft: “Nid dyna’r dechrau i’r tymor roedden ni wedi disgwyl, ond dyna lle’r y’n ni a rhaid i ni weithio i gael ein hunain ma’s o’r sefyllfa yma.

“Roedd hi’n anochel bod yr hyder yn isel ar ôl cael loes yn y batiad cyntaf yn Northampton, a digwyddodd yr un peth fan hyn – cymylau’n helpu’r bowlwyr sy’n gwyro’r bêl ac yn defnyddio’r sêm.”

“Dw i’n rhoi rhesymau i chi, esgusodion fyddai rhai’n ei ddweud.

“Ond fel criw, wnaethon ni ddim bowlio cystal ag y gallwn ni, a ddim cystal ag o’n ni wedi gobeithio bowlio.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd