Disgwyl 80,000 yng Nghaerdydd i wylio ffeit fawr Anthony Joshua

 

Anthony Joshua

Llun parth cyhoeddus ar Commons Wikimedia

Mae disgwyl i Gaerdydd fod dan ei sang dydd Sadwrn (Mawrth 31) wrth i 80,000 o bobol heidio i Stadiwm Principality i wylio’r ffeit rhwng dau bencampwr pwysau trwm.

Bydd Anthony Joshua, sydd eisoes yn dal teitlau’r WBA ac IBF, yn ceisio hawlio’r teitl WBO oddi ar ei wrthwynebydd, Joseph Parker.

Mae Cyngor Caerdydd wedi cyhoeddi y bydd nifer o ffyrdd ar gau diwrnod yr ornest ac mae’n gofyn i bobol gynllunio eu teithiau cyn gadael y tŷ.

Bydd pob ffordd ger canol y ddinas ar gau rhwng 4 o’r gloch prynhawn fory ac 1 o’r gloch fore dydd Sul.

Mwy o dacsis, bysus a threnau

Y tro diwethaf i Anthony Joshua ymladd yng Nghaerdydd ym mis Hydref, bu rhai pobol yn aros dros bum awr am dacsi o ganol y ddinas wedi’r ffeit.

Mae drysau’r stadiwm yn agor am 5yp dydd Sadwrn, a disgwyl i’r brif ornest ddechrau am tua 10.30yh.

Er bod disgwyl mwy o dacsis, bysus a threnau i wasanaethu’r ymwelwyr ychwanegol, mae gwaith peirianyddol yn digwydd ar y rheilffyrdd ger Bryste ac yn golygu gallai fod oedi.

“Dyma ddigwyddiad gwych i ddod i Gaerdydd, ac mae’r ddinas yn prysur dangos ei chymwysterau fel y lle gorau i gynnal digwyddiadau chwaraeon mawr,” meddai Ysgrifennydd Cymru, Alun Cairns.

“Fodd bynnag mae’n bwysig bod cefnogwyr yn cynllunio ymlaen llaw ac yn ystyried pob opsiwn o deithio cyn dechrau er mwyn gwneud y mwyaf o’r profiad a mwynhau’r hyn mae gan ein prifddinas i gynnig.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn