Gerwyn Price wedi colli yng Nghaerdydd

 

Llun: CCO

Colli o 7-3 oedd hanes y Cymro Gerwyn Price neithiwr yn Uwch Gynghrair Dartiau’r PDC yn Arena Motorpoint yng Nghaerdydd.

Hon oedd ail wythnos y gystadleuaeth ar ôl iddi ddechrau yn Nulyn yr wythnos ddiwethaf.

Roedd yr Albanwr Gary Anderson yn dal i ddioddef o anaf i’w gefn, ond roedd yn rhy gryf i’r cyn-chwaraewr rygbi o Sir Gaerffili oedd yn arfer chwarae yn safle’r bachwr i Gastell-nedd a Cross Keys.

Roedd yn noson siomedig i’r Cymro wrth iddo fethu ag adeiladu ar ei gêm gyfartal yn erbyn yr Albanwr Peter Wright ar y noson agoriadol.

Mae’r canlyniad yn golygu ei fod e’n wythfed allan o ddeg yn y tabl.

Y gemau eraill

Un o uchafbwyntiau’r noson oedd yr ornest rhwng yr Albanwr Peter Wright a’r Iseldirwr Michael van Gerwen – yr Albanwr yn curo’i wrthwynebydd am y tro cyntaf erioed yn hanes yr Uwch Gynghrair. Maen nhw wedi herio’i gilydd wyth gwaith o’r blaen yn y gystadleuaeth hon, gan gynnwys y rownd derfynol y llynedd.

Y tro hwn, sgoriodd yr Albanwr gyfartaledd o 101.04 ar bob ymweliad â’r bwrdd.

Collodd pencampwr y byd, y Sais Rob Cross o 7-1 yn erbyn yr Awstraliad Simon Whitlock, ac roedd buddugoliaeth o 7-4 i’r Sais Michael Smith yn erbyn y Gwyddel Daryl Gurney.

Yng ngornest ola’r noson, aeth yr ornest yr holl ffordd wrth i Raymond van Barneveld o’r Iseldiroedd grafu buddugoliaeth o 7-5 yn erbyn Mensur Suljovic o Awstria.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd