Ryan Day allan o Bencampwriaeth Snwcer y DU

Diweddarwyd am  

Ryan Day

Llun: Martin Rulsch CC 4.0 trwy Commons Wikimedia

Mae Ryan Day, y Cymro olaf oedd ar ôl ym Mhencampwriaeth Snwcer y DU, allan o’r gystadleuaeth bellach ar ôl cael ei guro o chwe ffrâm i dair gan y Sais Shaun Murphy.

Fe fyddai wedi herio Ronnie O’Sullivan yn y rownd derfynol yng Nghaerefrog ar ôl iddo yntau drechu Shaun Maguire yn y gêm gyn-derfynol arall o chwe ffrâm i bedair.

Roedd Day, sy’n hanu o Bontycymer ger Pen-y-bont ar Ogwr, ar ei hôl hi ar ôl y ffrâm gyntaf wrth i’r Sais sgorio 104.

Ond fe unionodd y Cymro y sgôr ar ddiwedd yr ail ffrâm cyn i’r Sais gipio’r tair ffrâm nesaf gyda rhediadau o 73, 89 a 135.

Tro Day oedd hi i sgorio’n drwm nesaf, gyda 61 yn y chweched ffrâm i’w gwneud hi’n 4-2 i Murphy.

Sgoriodd Murphy 70 yn y seithfed ffrâm cyn i Day daro’n ôl gyda 128 yn yr wythfed i’w gwneud hi’n 5-3, ond y Sais gafodd y gair olaf wrth gipio’r fuddugoliaeth gyda 59 yn y ffrâm olaf.

Meistri

Mae Ryan Day bellach ymhlith yr 16 o ddetholion uchaf, sy’n golygu ei fod e wedi sicrhau ei le yng nghystadleuaeth Meistri’r DU.

Bydd y gystadleuaeth honno’n cael ei chynnal yn yr Alexandra Palace yn Llundain rhwng Ionawr 14-21.

Bydd e’n herio Ding Junhui ar ddydd Llun, Ionawr 15 am 1 o’r gloch.

Bydd y Cymro arall yn y gystadleuaeth, Mark Williams yn herio Mark Selby ar ddydd Sul, Ionawr 14 am 1 o’r gloch.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd