Croeso mawr i drac beicio newydd yn Pen-bre

Diweddarwyd am  


Rasio cylchffordd (Llun: Seiclo Cymru)
Mae corff Seiclo Cymru wedi croesawu’r cyhoeddiad bod cylchffordd feicio newydd sbon ar ei ffordd i Barc Gwledig Pen-bre.

Mae cynlluniau i ddatblygu Sir Gaerfyrddin fel prif ddinas  beicio Cymru wedi newid gêr yn dilyn cymeradwyaeth i greu’r gylchffordd sy’n werth £500,000. Y gobaith yw y gall ddenu beicwyr o bob cwr o wledydd Prydain, a rhoi hwb economaidd i Sir Gaerfyrddin.

“Mae datblygu cyfleusterau yng Nghymru yn flaenoriaeth i ni fel corff oherwydd maen nhw’n rhoi cyfleoedd i bawb cael y cyfle i gymryd rhan mewn gweithgareddau corfforol,” meddai Anne Adams-King, Prif Weithredwr Seiclo Cymru.

“Mae’r Sir yn ganolbwynt i weithgareddau seiclo gyda nifer o glybiau seiclo fel Bynea CC, Clwb Seiclo Tywi a chlwb Sosban yn tyfu bob blwyddyn.

“Mae Scott Davies sy’n seiclo i Dîm Wiggins a Phencampwr Seiclo Trac Ewrop Manon Lloyd yn hanu o’r Sir a’n sicr y gobaith fydd i gyfleusterau fel Pen-bre ysbrydoli mwy i feicio.”

Adfywio arfordir y sir

Mae Llywodraeth Cymru yn gefnogol i’r fenter.

“Ar ôl ei gwblhau bydd yn gallu cynnal chwaraeon cystadleuol, gweithgareddau hamddenol ac amgylchedd ddi-draffig i ymarfer a hyfforddi,” meddai llefarydd. “Bydd y cyfleuster yn safon Seiclo Prydain ac yn ail i gwrs Trac Marsh ger Y Rhyl.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd