Chwaraewr snwcer yn bygwth peidio siarad â’r cyfryngau yng Nghymru

Diweddarwyd  


Ronnie O'Sullivan
Lai nag wythnos cyn dechrau Pencampwriaeth Snwcer Agored Cymru, mae Ronnie O’Sullivan wedi bygwth gwrthod gwneud cyfweliadau hir gyda’r cyfryngau yn dilyn ffrae fis diwetha’.

Yn ystod cystadleuaeth Meistri Prydain yn Preston fis diwethaf, cafodd y Sais lythyr gan gorff World Snooker yn ei rybuddio am ei sylwadau am safon y dyfarnu gan Terry Camilleri, ac am ei sylwadau am ffotograffydd oedd yn sefyll o’i flaen yn ystod gêm.

Fe wnaeth y sylwadau am y dyfarnwr yn ystod cyfweliad â Eurosport, ac fe regodd mewn cynhadledd i’r wasg am fod y ffotograffydd wedi amharu ar y gêm ac wedi ymddangos unwaith eto yn y gynhadledd i’r wasg yn fuan wedyn.

Mae Ronnie O’Sullivan wedi ymddiheuro am regi yn ystod y gynhadledd honno, gan egluro fod y BBC wedi golygu’r darn a gafodd ei ddarlledu.

Yr wythnos hon, fe ddychwelodd i Preston ar gyfer cystadleuaeth Grand Prix y Byd, ac fe gynigiodd atebion byr a robotaidd i gwestiynau Neal Foulds yn dilyn ei fuddugoliaeth yn erbyn Yan Bingtao ddydd Mawrth.

Fe eglurodd ei resymau mewn blog ar gyfer Eurosport.

“Fydda i ddim yn siarad am yn hir mewn cynadleddau i’r wasg nac mewn cyfweliadau mwyach oherwydd pan dw i’n rhannu fy meddyliau, dw i mewn perygl o gael dirwy.”

Ac fe ychwanegodd y byddai’n torri ei gytundeb â World Snooker pe bai e’n cael dirwy am fethu â chynnig atebion hir i gwestiynau.

Mae World Snooker wedi gwrthod gwneud sylw gan fod ymchwiliad ar y gweill.

Fe fydd Pencampwriaeth Agored Cymru’n dechrau ar Chwefror 13, ac fe fydd Ronnie O’Sullivan, enillydd y tlws y llynedd, yn herio Tom Ford yn y rownd gyntaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd