RSS

Golwg360

MwyCau 

Ffrindiau i ‘gwblhau marathon’ ar ran milwr fu farw

Ebrill 25, 2016 12:48 Diweddarwyd am 17:54


Llun o dudalen Facebook David Seath, ar y dde Llun: PA
Mae ffrindiau a chydweithwyr milwr a syrthiodd yn farw yn ystod Marathon Llundain ddydd Sul wedi penderfynu “cwblhau’r ras” ar ei ran.

Cafodd y Capten David Seath, 31, ei gludo i’r ysbyty wedi iddo lewygu tair milltir cyn y llinell derfyn, a bu farw’n ddiweddarach. Credir ei fod wedi cael ataliad ar y galon.

Roedd David Seath, a oedd wedi gwasanaethu yn Afghanistan, yn rhedeg er mwyn codi arian at yr elusen Help For Heroes.

Ar ei dudalen godi arian dywedodd: “Mae cymuned y lluoedd angen ein help a’n cefnogaeth barhaus.”

Am hynny, fe fydd ei ffrindiau a’i gydweithwyr yn dod ynghyd i gwblhau’r marathon ar ei ran gan barhau i godi arian at yr elusen.

Mewn neges ar y dudalen godi arian, maen nhw’n dweud: “Fe fyddwn ni’n cerdded y tair milltir olaf o’r marathon lle syrthiodd, fel un.”

Ar ôl cwblhau dwy radd meistr o Brifysgol Aberdeen, ymunodd David Seath, sy’n wreiddiol o Arbroath yn yr Alban, â’r Academi Frenhinol Filwrol yn 2009.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.